आंबा कलाकंद

साहित्यः १०० ग्रॅम साखर, १५० ग्रॅम हापूस आंब्याचा रस, १०० ग्रॅम पनीर, १०० ग्रॅम खवा. सजावटीसाठी पिस्ते काप, केशराच्या काड्या.

कृती: हापूस आंब्याचा रस काढून मिक्सरवर फिरवून बारीक करून घ्यावा. रस मोजून घ्यावा. पनीर आणि खवा एकत्र करून गुठळ्या मोडून घ्याव्या. साखर आणि आमरस एकत्र करून मंद गॅसवर ठेवावे. साखर विरघळली की एकत्र केलेले खवा पनीर त्यात मिसळावे. परतत रहावे.

मिश्रणाचा गोळा होत आला

की ताटाला तूप लावून गोळा थापावा. पिस्त्याचे काप आणि केशराच्या काड्यांनी सजवावे. चांदीचा वर्खही लावता येईल. आवडीप्रमाणे वड्या कापाव्या.

मी माझ्या आत्याच्या पंचात्तरीला मुंबईला न्यायचे असल्याने मिश्रण बर्फीसारखे न ठेवता वडीसारखे घट्ट केले. नाहीतर कलाकंद थोडा ओलसर असतो. ताज्या आंब्याचा मस्त स्वाद येतो.

रायआवळ्याचे सरबत

साहित्यः रायआवळे, पिठीसाखर, मीठ, वेलची पावडर,

 पाणी.

कृती: ज्युसर जारमध्ये आवळे आणि थोडे पाणी घालून

 फिरवावे. ज्युसर जारमध्ये बिया तशाच राहतात. तयार

 मिश्रण गाळून घ्यावे. साधारणपणे एक भाग आवळा

 रसाला तीन भाग पाणी लागते, लागल्यास पाणी जास्त

 घ्यावे. पिठीसाखर, मीठ चवीनुसार मिसळावे.

 वेलचीपावडर घालावी. थंडगार करून सर्व्ह करावे.

उन्हाळा फारच वाढलाय. त्यामुळे आवळ्याचे लगडलेले

 झाड पाहून सरबताची कल्पना सुचली. अगदी कैरीच्या

 पन्ह्यासारखे लागते.

                      

रातांब्याचं (कोकम) पन्हं

साहित्यःरातांब्याचा गर एक वाटी, गूळ चिरलेला दोन वाटया, मीठ चवीनुसार, एक टीस्पून जीरे पावडर, दोन ओल्या मिरच्या वाटून, पाणी.

कृती:रातांबे स्वच्छ करून घ्या. दोन भाग करून आतला गर बियांसह काढून घ्या.( सालींचे कोकमसरबत करता येते.) गर मोजून त्याच्या दुप्पट गूळ आणि चवीनुसार मीठ मिसळून गर अर्धा तास झाकून ठेवा,

गूळ पूर्ण विरघळला की त्यात जीरेपूड आणि वाटलेली मिरची घालून मिश्रण गाळून घ्या. मिश्रणाच्या चौपट पाणी लागते.
चव बघून लागल्यास मीठ घाला. तयार पन्हं थंडगार करून सर्व्ह करा.
माझ्या माहेरी पाडव्याला गावच्या देवळात सर्व गावकरी एकत्र जमून वसंत पूजा करतात. गणपतीची पूजा करून नवीन पंचांगाचे वाचन करतात. त्यावेळी नैवेद्याला आंबेडाळ आणि रातांब्याचं पन्हं असा नैवेद्य असतो. नंतर आलेल्या सर्वाना डाळ आणि पन्हं वाटलं जातं.

या पन्ह्याला कोकम सरबतासारखा रंग येत नाही, पण जीरं, मिरची आणि गूळ याने अप्रतिम चव येते. आमच्याकडे थोड्या फुगीर अशा ओल्या मिरच्या येतात या सिझनला, त्याचा वास मस्त असतो. मिरची तिखटपणासाठी नसून फक्त स्वादासाठी आहे. हे पन्हं टिकावू नाही.

Spicy Kokum Juice

• 
  
  
• Ingredients:
• 1 cup kokum pulp
• 2 cups jaggery
• 1 teaspoon roasted cumin powder
• 2 green chilies
• water
• salt 2 teaspoons

• Procedure:
• Wash and peel kokum fruits.
• Keep outer skin aside for concentrated juice.
• Add pulp with seeds in a large bowl.
  
  
  
  
  
  
  
  
  
• Crush jaggery and add in a pulp, keep aside for an hour.
• Make paste of green chilies.
• After an hour strain the mixture. 
• You will get concentrated juice.
  
• Add 1:5 water in a juice.
• Mix salt, roasted cumin powder, chilly paste.
• Adjust as per your taste.
• Strain again and serve chilled!!
• Enjoy summer!!!!
• Dried seeds of kokum are useful to make kokum butter!
•