मुखशुद्धी

साहित्य: बडीशेप एक वाटी, तीळ पाव वाटी, आळशी किंवा जवस पाव वाटी, धनाडाळ पाव वाटी, मीठ, ओवा दोन चमचे
कृती: एका वाटीत पाव वाटी पाणी घ्या. त्यात एक चमचा मीठ विरघळवुन घ्या. कढई मध्यम गॅसवर तापत ठेवा. त्यात तीळ, ओवा, आळशी वेगवेगळं गरम करून घ्या. बाजूला ठेवा. बडीशेप कढईत घ्या. मंद गॅसवर तयार केलेलं मिठाचं पाणी शिंपडत भाजून घ्या. सगळं पाणी लागणार नाही. मिठाची चव आली की पुरे. कुरकुरीत झाली की गॅस बंद करा. धनाडाळ, भाजलेल्या सर्व वस्तू एकत्र करून घट्ट झाकणाच्या बरणीत भरून ठेवा.

आवळा मावा:

आवळा मावा:
साहित्य:
 अर्धा की आवळे, तीनशे ग्रॅम साखर, पन्नास ग्रॅम आलं अर्धा चमचा मीठ

कृती:
 आवळामावा करायला घेताना सकाळी घ्या, म्हणजे दिवसाचे ऊन मिळते. आवळे स्वच्छ धुवा, पुसून घ्या. आता ते सगळे आवळे किसून घ्या. त्यात साखर मीठ घालून नीट मिक्स करा. धुवून सालं काढून आलं किसून घ्या. या किसलेल्या आवळ्यात मिसळा आणि तासभर तसेच झाकून ठेवा.

तासाभरात साखर विरघळते मग पसरट थाळ्यात किस उन्हात वाळत ठेवा. साखर मिठामुळे जो रस सुटेल तो तसाच ठेवून वाळवा, काढून घेऊ नका. पूर्ण कीस वाळायला सात आठ दिवस लागतात. अगदी मोकळा झाला की मावा घट्ट झाकणाच्या बरणीत भरा. पित्तावर रामबाण घरगुती उपाय आहे!