पॉट आईस्क्रीम

 पॉट आईस्क्रीम: आमच्या मोठया एकत्र कुटुंबाच्या प्रमाणात आहे.

साहित्य: पाच लीटर दूध, दोन लीटर हापूस आमरस, अर्धा किलो साखर, चवीला मीठ(ऐच्छिक)

कृती: दूध, साखर, आमरस सगळं एकत्र ज्युसर जारमध्ये नीट मिक्स करून घ्या. आईस्क्रीम पॉटमध्ये तयार मिश्रण ओतून त्याचं ब्लेड लावा. झाकण लावून बाजूने  खडेमीठ आणि बर्फ घट्ट थर लावा. अर्धा तास फिरवून घुसळून मग दिवसभर बाजूने सतत मीठ आणि बर्फ घालत रहा! आईस्क्रीम तयार!

आईस्क्रीम पॉट:

Puran poli:

 

Puran poli:

Puran poli: 

     Puran poli is a traditional and most popular  maharashtrian sweet recipe and made during festivals like holi! Filling of Puran poli is made with skinned spilt Bengal gram( chaan dal) and jaggery/ sugar.

Ingredients:

Chana dal 1 cup

Jaggery 1 cup ( or 1/2 cup jaggery and 1/2 cup sugar)

2 cups wheat flour

Salt to taste

1/2 tea spoon cardamom powder

1/2 teaspoon nutmeg powder

Refined oil  1/2 cup

Water

Rice flour

Procedure: 

1) Wash 1 cup chana dal add  2 and 1/2 cup water. 

2)Take a pressure cooker add chana dal with water.  

3)pressure cook the  chana dal for 6/7 whistles. 

4) Keep the cooker aside til the pressure settles down. 

5) Take the wheat flour  and a pinch of salt in a large bowl. Add 1 tablespoon oil  and water little by little. 

6)Make smooth soft dough. Knead the dough until it becomes smooth. 

7) keep the dough in a bowl with adding 2 tablespoons oil for two hours.

8) Strain the excess water from dal, keep the stock aside to make 'katachi aamti( spicy dal).

9) Transfer the dal in a pan. Add 1cup jaggery,  a pinch of salt, cardamom powder, nutmeg powder. 

10) keep stirring till jaggery melts and mixture becomes thick.

11) Remove pan from the flame and grind  the mixture through puran maker or jali for fine stuffing.

12) Make a small size ball of the dough. Make  a double size ball of stuffing (puran).

13) Grease your finger tips and spread the dough like small round bowl. 

14) put stuffing ball in it and cover with dough.

15) Roll the roti by using dry rice flour.

16) Heat the tawa and place roti on it, roast both sides. 

17) Serve with ghee and coconut milk or regular milk.

मूगडाळ हलवा

 मुगडाळीचा झटपट हलवा: 

मूगडाळ भिजवून केलेला हलवा फार सुंदर होतो पण मी आत्ता सांगतेय त्या पध्दतीने झटपट होतो आणि लागतोही तसाच चविष्ट!

साहित्य: मूगडाळ 1 कप, साखर सव्वा कप, खवा अर्धा कप, तूप 1 कप, दूध दीड कप, वेलची पावडर, बदाम, काजू तुकडे, मीठ चवीला

कृती: एक कप मूगडाळ मध्यम आचेवर एकसारखी भाजून घ्या. गार झाल्यावर रवाळ दळून घ्या. कढईत  पाऊण कप तूप घाला. त्यात दळलेली मूगडाळ घालून खमंग भाजून घ्या. मूगडाळ भाजत आली की त्यात काजू बदाम तुकडे घालून दोन मिनिटं परता. आता त्यात हळूहळू दूध घालत ढवळत रहा. पाच मिनिटं मंद आचेवर झाकण ठेवून वाफ काढा. तोपर्यंत साखर मोजून घ्या, खवा गुठळी मोडून घ्या. वाफ आली की त्यात साखर, खवा, वेलची पावडर, चवीला मीठ हे सर्व घालून मिक्स करा. आता उरलेलं तूप घाला आणि परत मंद आचेवर पाच मिनिटं ठेवा. साखर पूर्ण विरघळली आणि बाजूला तूप सुटले की हलवा तयार!

टीप: साखर तुम्हाला हवी तर कमी घालू शकता पण खवा असल्याने तेवढी लागते.

भिजवलेली डाळ भाजायला लागणाऱ्या वेळेपेक्षा यासाठी खूप कमी वेळ लागतो.

तुम्हाला जास्त तूप नको असेल तर पाऊण कप पहिलं घालतो तेवढं घाला परत वरून उरलेलं घालू नका. 

✍🏻 मीनल सरदेशपांडे

दुधी हलवा

 दुधी हलवा

साहित्य: एक की दुधी भोपळा, 350 ग्रॅम खवा, एक ते सव्वा वाटी साखर, वेलची पावडर अर्धा चमचा, तूप तीन चमचे, सजावटीसाठी बदाम काप, काजूगर, बेदाणे

कृती: दुधी स्वच्छ धुवून किसून घ्यावा. कढईत तूप तापत ठेवावे. दुधीचा किस घालून तुपावर परतावा. दहा पंधरा मिनीटं परतला की त्याचा रंग बदलतो. खव्यातील गुठळी मोडून घ्यावी. परतलेल्या किसात साखर, खवा मिक्स करून पुन्हा मंद गॅसवर परतावे. साखरेमुळे मिश्रण थोडे सैल होईल . घट्टपणा आला की त्यात वेलची पावडर, काजू बदाम काप, बेदाणे मिक्स करावे. चव बघून लागल्यास साखर वाढवावी.तयार हलवा गार व्हॅनिला आईस्स्क्रीमचा गोळा घालून किंवा गरम आपल्या आवडी प्रमाणे सर्व्ह करावा.

✍🏻मिनल सरदेशपांडे

कणकेचा हलवा

 कणकेचा हलवा: 

साहित्य: एक कप रवाळ कणिक, एक कप गूळ, पाऊण कप तूप, दोन कप दूध, चवीला मीठ, काजूगर, बदाम, बेदाणे, एक टीस्पून सुंठ पावडर, वेलची पावडर

कृती: गहू थोडे रवाळ दळावेत.

कढईत निम्मे तूप घालावे. त्यात काजूगर, बदाम काप, बेदाणे तळून बाजूला ठेवावेत.  आता त्यात कणिक घालून खमंग तांबूस भाजून घ्यावी.

दूध गरम करावे. गॅस मंद करून हळूहळू दूध घालावे, गूळ घालावा, ढवळत राहावे. उरलेले तूप वेलची पावडर, एक टीस्पून सुंठ पावडर, मीठ,  तळलेले काजू, बेदाणे घालून नीट मिक्स करावे. एक वाफ काढावी. हलवा तयार आहे!

 टीप: यासाठी तुम्ही साखर पण वापरू शकता पण गुळाचा खमंग लागतो.

दुधाऐवजी पाणी पण वापरतात पण दुधातील जास्त छान लागतो. 

तूप एवढं नको असेल तर अर्धा कप घेऊ शकता.

नेहमीची कणिक घेतली तर दुधाचे प्रमाण एकास दीड पुरते. 

✍🏻 मीनल सरदेशपांडे

काजूची कमळफुले

काजूची कमळफुले:

साहित्य: काजूगर एक कप, साखर अर्धा कप, पाव कप पाणी खाण्याचे रंग हिरवा, लाल

कृती: काजूगर थोडे थोडे तीन वेळा घेऊन थांबून थांबून फिरवावे आणि पावडर करून घ्यावी. 

कढईत साखर आणि पाणी एकत्र करून उकळावे. 

साखर विरघळली की त्यात काजू पावडर मिसळावी. 

दोन मिनिटं परतून घट्ट होत आलं की खाली उतरून गोळा होईपर्यंत घोटावे.  

गोळ्याचे तीन भाग करून घ्यावे. एक भाग पांढरा ठेवावा. एकात दोन थेंब लाल रंग घालून मिक्स करावा. एकात हिरवा रंग दोन थेंब मिक्स करावा.

  तीन रंगाचे  सारखे  छोटे गोळे करून घ्यावे. लाल गोळी तसाच ठेवावी. पांढऱ्या गोळ्याची मोदकाला करतो तशी वाटी करावी, तशीच हिरव्या रंगाची करावी. हिरवी वाटी घेऊन त्यात पांढरी वाटी ठेवावी, त्यात लाल गोळी ठेवून गोल करावा. 

रिळाचा दोरा घेऊन चार भाग करावे.असेच सर्व करून घ्यावे. पाकळ्या अलगद सोडवाव्यात. 

अशीच सगळी कमळं तयार करावी.

✍🏻मीनल सरदेशपांडे

दुधीची खीर:

दुधीची खीर:

 
तसा अगदी साधा पदार्थ..करायला सोपा उगाच भारंभार वस्तू नाहीत.... पण आठवणी मात्र खिरी इतक्या गोड आहेत! माझे बाबा त्यांच्या असलेल्या अर्ध्या हाताचा शंभर टक्के उपयोग करीत. त्याच हातात धरता येत नसल्याने  बाबांच्या खांद्याला आईने मुद्दाम मोठे बंद शिवलेल्या पिशव्या असायच्या... एक कधी दोन सुद्धा! या पिशवीत खजिनाच असायचा..बाबा रत्नागिरीत जाऊन आले की हमखास येणाऱ्या वस्तूंमध्ये यायचा तो कुंड्या दुध्या...  हा बाबांचा खास शब्द...म्हणजे तांब्याच्या आकाराचा दुधी भोपळा ..ही जात माम्यांकडे हमखास मिळायची...यात गर जास्त असायचा! आज अनेक वर्षांनी भावाने हा दुधी भोपळा आणला तेव्हा बाबांची आठवण आली...त्यांनी हा दुध्या आणला की दुधीची खीर हमखास असे. पुढे मी त्याचा रुचिरात वाचून हलवा केला तेव्हा गिरगावात असताना द्रोणात मिळणाऱ्या दुधी हलव्याच्या आठवणी रंगून सांगितलेल्या आजही आठवतात मला!


. या दुध्याची खीर मस्त लागते असं ते सांगताना त्यांच्या घाऱ्या डोळ्यांत खिरीची मिठास स्पष्ट दिसत असे. घरचं दूध मस्तपैकी आटवून, घरच्या तुपावर  दुधी किसून  परतून केलेली खीर कोणताही सुकामेवा न घालता प्राजक्ताच्या केशर काड्यांनी सजत असे..खीर होईपर्यंत नवीन हिरकुटात दुध्याच्या कोवळ्या बिया ओवून त्या चुलीत भाजून तूप मीठ लावून फस्त करायचं काम आम्हा भावंडांचं.. सालींची किसून घेऊन चुरचुरीत केलेली चटणी आणि भाकरी बरोबर दुधीची आटीव खीर...अहाहा! आता आमच्याकडे घरचं दूध नसलं तरी  बाबांच्या आठवणी आठवत आटवलेल्या दुधाची खीर आणखी सुमधुर होणार हे नक्की!☺
✍🏻मीनल सरदेशपांडे

काप्या फणसाचे सांदण

काप्या फणसाचे सांदण:

 आज पहिल्यांदा आमच्या घरचा फणस पिकला..पण तोही कापा! पावसात आल्यामुळे गरे फारसे गोड नव्हते पण घरचा फणस पिकलाय तर उपयोग तर करायला हवा. बागेत दिवसरात्र मेहनत करणारे आमचे बाबा म्हणजे माझे सासरे...त्याना कापे गरे काही चावत नाहीत. त्यात आज त्यांच्या अर्धांगिनीचा वाढदिवस! म्हटलं या पेक्षा चांगला योग कुठला असणार? एक वाटी गऱ्यात अर्धी वाटी पाणी घालून मस्त रस करून घेतला आणि नेहमीप्रमाणे सांदण केलं! बाबा पण घरचे गरे खाऊ शकले आणि त्यानी मेहनत केलेल्या बागेतल्या फणसाची सांदण आईंना वाढदिवसाला करता आली...आता यापुढे केकची ती काय गोडी!

साहित्य: 15/20 काप्या फणसाचे गरे,(म्हणजे एक वाटी तयार रस) एक वाटी गूळ, सव्वा वाटी तांदळाचा रवा( इडली रवा वापरू शकता) , चिमुटभर हळद, एक वाटी पाणी, पाव वाटी ओले खोबरे, दोन चमचे साजूक तूप, 1/2 चमचा खायचा सोडा
कृती: कापे गरे सोलून घ्यावेत, एक वाटी रसाला अर्धी वाटी पाणी घालून मिक्सरला अगदी गुळगुळीत होईपर्यंत फिरवावे. पूर्वी तांदूळ धुवून वाळवून जात्यावर रवा काढला जाई. आता तयार इडली रवा मिळतो. एक चमचा तुपावर रवा भाजून घ्यावा. एक वाटी रस घेऊन त्यात एक वाटी गूळ चवीला मीठ, ओले खोबरे घालावे. चिमुटभर हळद घालावी. आता भाजलेला रवा, एक वाटी पाणी मिसळून दोन तास ठेवावे. एखाद्या पसरट डब्याला तुपाचा हात लावावा. तयार मिश्रणात एक चमचा तूप घालावे. तूप लावलेल्या डब्यात किंवा इडलीसारखे लावून 20 मिनिटे वाफवावे. तूप आणि नारळाचे दूध हवेच, सांदण खायला!
✍🏻मीनल सरदेशपांडे

आंब्याची सांज्याची पोळी/आंब्याची सांजोरी:

आंब्याची सांज्याची पोळी/आंब्याची सांजोरी:

• साहित्य:
•  १ कप( 250ml) रवा,
•  १ कप साखर,
•  १ कप पाणी,
•  १ कप ताजा आमरस,
•  १ टेबलस्पून तूप, 
• १ टीस्पून वेलची पावडर,
•  मीठ, 
• तांदूळ पिठी लाटताना लावायला
• पारीसाठी: 
• अडीच कप कणिक, 
• १टीस्पून मीठ, 
• 1/4 कप आमरस, 
• १ टेबलस्पून तेलाचे मोहन
•  पाणी
• कृती: 
• हापूस आंबे स्वच्छ धुवून रस काढून घ्या. 
• कढईत रवा घेऊन तुपावर भाजा,
•  अगदी शिऱ्यासाठी भाजतो तसा खमंग नको. 
• १ कप पाणी गरम करून घ्या. 
• साखर मोजून घ्या. 
• रवा भाजल्यावर त्यात पाणी, साखर, आमरस एकत्र करून हळूहळू मिक्स करा. 
• पाव टीस्पून मीठ घाला. 
• गुठळी होऊ देऊ नका.
•  मंद गॅसवर वाफ येऊ द्या.
  
  
  कणिक चाळून घ्या.
•  त्यात मीठ घाला.
•  तेल गरम करून घाला
• . थोडं गार झाल्यावर 1/4 कप आमरस आणि लागेल तसं पाणी घेऊन नेहमीच्या कणकेपेक्षा थोडी सैल कणिक भिजवा.
  
•  झाकून ठेवा. 
• तयार शिरा गार होऊ द्या.
•  पिठाचा आणि शिऱ्याचा सारखा गोळा घ्या. 
  
• 
  
  पुरणपोळी सारखं भरून तांदूळ पिठीवर पोळी लाटा.
  
•  तवा गरम करून थोडं तेल लावून दोन्ही बाजू खमंग भाजून घ्या. 
  
  गरमागरम पोळीचा दूध आणि तुपासोबत आस्वाद घ्या. नारळाच्या दुधासोबत मस्त लागते.
  
  
  ✍🏻मिनल सरदेशपांडे
• 
  

कणकेचे झटपट कप केक

• साहित्य: 
• 1 कप(250ml) कणिक,
•  1/2 कप दूध, 
• 1/2 कप रिफाईंड सनफ्लॉवर तेल, 
• 1 टीस्पून खायचा सोडा, 
• अर्धा टीस्पून बेकिंग पावडर, 
• 1 टीस्पून लिंबू रस,
•  3/4 कप पिठीसाखर, 
• 1 टीस्पून व्हॅनिला इसेन्स,
•  2 टीस्पून कोको पावडर,
•  2 टीस्पून लिक्विड कॉफी( मी फिल्टर वापरली)
• कृती: 
• कणिक, साखर, सोडा, बेकिंग पावडर आणि कोको पावडर हे सर्व दोनदा चाळून घ्या.
•  दूध, तेल, कॉफी, व्हॅनिला इसेन्स, लिक्विड कॉफी एकत्र करा. 
• पसरट कढईत दीड वाटी मीठ पसरा, 
• दहा मिनिटं मोठ्या गॅसवर प्रिहीट करा. 
• साच्यांना आतून तेल लावून घ्या. 
• सुक्या मिश्रणात पातळ मिश्रण हळूहळू मिक्स करा, एकाच दिशेने ढवळत रहा.
•  लिंबू रस घालून ढवळा.
•  तयार मिश्रण एकेका साच्यात अर्धा कप भरा. 
• वर टुटीफ्रुटी, ड्रायफ्रूटस् घाला. मिठावर कुकर मधली जाळी ठेवा. 
• त्यावर पसरट ताटली ठेवून तयार कप ठेवा. 
• कढई वर व्यवस्थित झाकण ठेवून मध्यम गॅसवर 20 मिनिटं बेक करा.
•  सूरी घालून चेक करा.
  

खपली गव्हाचे गुलगुले

खपली गव्हाचे गुलगुले:

 रेसीपी नेमकी कोणत्या भागातली आहे ते नाही माहीत पण कॉलेजमध्ये असताना एका मैत्रिणीकडे खाल्ले होते ती चव स्वस्थ बसू नेत नव्हती. आज केला प्रयत्न, आणि काय सांगू परफेक्ट चव जमलीय अहाहा!!

साहित्य:
अर्धा कप गूळ, अर्धा कप पाणी, एक कप कणिक(मी खपली गव्हाची वापरली), दोन टीस्पून रवा, एक टीस्पून सुंठ पावडर, अर्धा टीस्पून मीठ, पाव टीस्पून वेलची पावडर, पाव टीस्पून जायफळ पावडर,  पाव कप ओलं खोबरं,  अर्धा टीस्पून खायचा सोडा, तेल तळणीसाठी

कृती:
  अर्धा कप  बारीक चिरलेला गूळ आणि अर्धा कप पाणी एकत्र करा
. त्यात मीठ, सुंठ पावडर, खोबरं घाला.
गूळ पूर्ण विरघळला की त्यात कणिक, रवा मिसळा.
मिश्रण चार पाच तास झाकून ठेवा.

 करायला घेताना त्यात वेलची पावडर, जायफळ पावडर, खायचा सोडा घालून मिश्रण फेटा.
कढईत तेल तापत ठेवा.
तेल तापलं की गॅस बारीक करून छोटे छोटे गोळे सोडा.

 मध्यम गॅस करून बदामी रंगावर तळा.
मस्त  हलके गुलगुले तयार आहेत!

कलिंगडाची टुटीफ्रुटी:

कलिंगडाची टुटीफ्रुटी:

मी लग्नाआधी पपईची टुटीफ्रुटी करून गावातल्या बेकरीत देत असे. त्यावरून सहज कल्पना सुचली कलिंगडाची करून पाहूया. असाही आत्ता कलिंगडाचा सिझन पण आहेच. या पांढऱ्या भागाची किसून थालीपीठ करू शकतो. थोडा वेगळा प्रयोग करून पाहिला आणि खरंच मस्त झाली टुटीफ्रुटी!

साहित्य:

 कलिंगडाचा पांढरा भाग बारीक चिरून दोन वाट्या, साखर दोन वाट्या, पाणी, व्हॅनिला इसेन्स, आवडीप्रमाणे रंग

कृती: १)कलिंगडाच्या पांढऱ्या भागाची साल काढून बारीक चौकोनी करा. 

२)एका पातेल्यात चार पाच वाट्या पाणी उकळून त्यात फोडी घालून दहा मिनिटं उकळाव्यात. 

३) चाळणीवर काढाव्यात.

 ४)पातेल्यात दोन वाट्या साखर आणि एक वाटी पाणी घेऊन एक तारी पाक करावा.

 ५)वाफवलेल्या फोडी घालून उकळावे.

 ६)पाक परत पातळ होईल. परत एक तारी होऊ द्यावा.

 ७)गॅस बंद करून थोडं गार झाल्यावर दहा बारा थेंब व्हॅनिला इसेन्स  घालून मिक्स करावा.  

८)तीन वाट्यांमध्ये तयार मिश्रण सारखे काढा.

त्यात आवडीप्रमाणे दोन दोन थेंब रंग घालून बारा तास तसेच झाकून ठेवा. 

९)त्यानंतर एकेक  रंगाच्या फोडी गाळण्यावर काढा.

१०) जास्तीचा पाक गेला की पसरट जाळीवर फोडी ठेवा. त्याखाली ताट ठेवून फोडी सुकू द्या. 

११)फोडी सुकल्या की झाली टुटीफ्रुटी तयार! 

रवा केक:

रवा केक:

साहित्य: 

बारीक रवा एक कप(250ml), सनफ्लॉवर तेल 100ml, मिल्कमेड 200g, अर्धा टीस्पून खायचा सोडा, एक टीस्पून बेकिंग पावडर, एक टीस्पून व्हॅनिला इसेन्स, साखर नेहमीची पाच टीस्पून, मीठ अगदी चवीपुरते, दूध पाऊण कप, लिंबू रस एक टीस्पून.

कृती: १)मिल्कमेड, तेल एकत्र करून फेटा.

 २)जर बारीक रवा घरात नसेल तर नेहमीचा रवा मिक्सरला फिरवून घ्या.

 ३)फेटलेल्या मिश्रणात रवा घालून परत फेटा.

४) हळूहळू दूध घालत रहा. 

५)व्हॅनिला इसेन्स घालून अर्धा तास मिश्रण झाकून ठेवा. 

६)अर्ध्या तासाने कढईत दीड वाटी मीठ पसरून कढई पाच मिनिटं मोठ्या फ्लेमवर तापत ठेवा.

 ७)तोपर्यंत मिश्रणात लिंबूरस, मीठ मिक्स करा.

 ८)केकच्या भांड्याला आतून तूप लावून घ्या. 

९)खायचा सोडा, बेकिंग पावडर, साखर घालून एक दिशेने मिश्रण नीट फेटा. 

१०)कढईत मिठावर जाळी ठेवा. 

११)केकच्या भांडयात मिश्रण ओतून अलगद जाळीवर ठेवा.

 १२)कढईवर झाकण ठेवा.

 १३)गॅसची फ्लेम दहा मिनिटं मध्यम ठेवा. 

१४)पुढची 25 मिनिटं बारीक फ्लेमवर ठेवा. 

१५)आता झाकण काढून सुरी घालून केक झालाय का पहा. 

१६)झाल्यावर बाहेर काढून गार करत ठेवा. 

१७)गार झाला की ताटात भांडं उपडं करा.

 १८)मस्त बाहेर सारखा केक तयार आहे.

टीप: मिल्कमेड घरी सुध्दा करू शकता. अर्धा ली दूध आणि पाऊण वाटी साखर आटवून घ्या, मिल्कमेड इतपत घट्ट झालं की गॅस बंद करा.. 200 ग्रॅम तयार होईल.

खपली गव्हाची खीर:

खपली गव्हाची खीर:

खपली गहू एक वाटी, गूळ एक वाटी, ओलं खोबरं एक वाटी, काजूगर, बदाम काप, जायफळ पावडर पाव टीस्पून, वेलची पावडर पाव टीस्पून, तूप दोन टीस्पून, नारळाचं दूध दोन वाट्या

कृती: 
गव्हाला टरफल असेल तर पाण्याचा हात लावून फडक्यावर चोळून पाखडून घ्या. तासभर गहू भिजत घाला. तासाभराने बाहेर काढून कापडावर पसरून ठेवा, ओलसरपणा जाऊ द्या. भिजलेले गहू मिक्सरला भरडसर वाटून घ्या.

तिप्पट पाणी घालून कुकरमध्ये घालून गहू शिजवून घ्या. कढईत तूप घालून मंद गॅसवर ठेवा. त्यात काजूचे तुकडे, बदाम काप परतून बाजूला ठेवा. शिजलेले गहू तुपात घालून परता. त्यात गूळ, खोबरं घालून शिजू द्या. अगदी थोडं पाणी घाला. जायफळ पावडर, वेलची पावडर घाला. परतलेले काप घालून सजवा. नारळाचं दूध काढून ठेवा. जेवताना आवडीप्रमाणे नारळाचं दूध घालून फस्त करा... मस्त खमंग लागते

सफरचंदाचे घारगे:

सफरचंदाचे घारगे:

 सफरचंद जरी काश्मीरला होत असलं तरी त्याला आमच्या कोकणी हुकमी एक्के वापरून अगदी कोकणी करून टाकलं! तांदूळ पिठी, गूळ आणि खोबरं मग चव काय अफलातून येणारच!
एक सफरचंद
पाऊण वाटी गूळ
मीठ
पाव चमचा हळद
पाव वाटी ओलं खोबरं
दीड वाटी तांदूळ पिठी
एक वाटी कणिक
दोन चमचे तेल पिठात घालायला
तेल तळणीसाठी
कृती:
सफरचंद धुवून साल काढा. सफरचंद किसून घ्या. 
कीस मोजा, एक वाटी किसाला पाऊण वाटी गूळ, चवीपुरते मीठ, दोन चमचे तेल,ओलं खोबरं, हळद घालून गॅसवर ठेवा.
गूळ विरघळला की गॅसवरून उतरवा.
लगेच दोन्ही पिठं मिक्स करा.
घट्ट गोळा बनवा.

छोट्या गोळ्या करून घ्या.
प्लॅस्टिक कागद किंवा केळीच्या पानावर थापून किंवा लाटून घारगे करा.
कढईत तेल तापवून घारगे तळा.

साजूक तूप किंवा लोण्यासोबत झकास लागतात.