Protein Bar

• 
  

Protein Bar

• Ingredients:
  
• 1/4 cup almonds
• 1/4 cup cashew nuts
• 1/4 cup walnuts
• 1/4 cup sesame seeds
•  1/2 cup ground nuts
• 3/4 cup jaggery
• 1 teaspoon any refined oil
• cardamom powder 1/2 teaspoon.
• Procedure:
• Crush almonds, ground nuts, cashew nuts, walnuts roughly.
• Roast sesame seeds in a pan until little brown, keep aside.
• Roast all crushed dry fruits till little brown and mix in roasted sesame seeds.
• Add cardamom powder to the mixture.
  
• Add jaggery and oil in a pan.
• Keep stirring on low flame.
• Grease wooden flat board and rolling pin with some refined oil, keep aside.
• Stir well until all jaggery melts and start boiling.
  
• Once jaggery starts boiling, add the mixture in a pan and remove the flame.
• Mix well quickly and put the mixture on greased wooden board.
• Roll flat with the rolling pin.
• Cut as per your choice.
  
• After ten minutes protein bar is ready.
• Remove from the board.
• Store in a airtight jar.
• Enjoy cooking!!!
  
• 
  

सोपी झटपट आंबा काजू बर्फी

 सोपी झटपट आंबा काजू बर्फी:

साहित्य: एक वाटी  आटवलेला आमरस, एक वाटी काजू पावडर, सव्वा वाटी साखर, अर्धी वाटी पाणी, वेलची पावडर

कृती: साखरेत पाणी घालून पाक करत ठेवा. एका वाटीत अर्धी वाटी पाणी घ्या. पाक चांगला उकळला भरपूर बुडबुडे यायला लागले की वाटीतल्या पाण्यात पाकाचा थेंब टाकून गोळी होतेय का पहा. गोळी झाली की आपला पाक तयार झाला. गॅस बंद करा आता त्यात काजू पावडर आणि आटवलेला आमरस मिसळा. वेलची पूड घाला. घोटत रहा.

ताटाला तूप लावून घ्या. घट्ट गोळा झाला की ताटावर थापून वड्या पाडा.

आंबा काजू कमळफुल

 आंबा काजू कमळफुल: 

आटवलेला आमरस एक वाटी, साखर एक वाटी

काजूगर दोन वाटी, साखर एक वाटी,

दोन्हीसाठी वेलची पावडर आणि पाणी

कृती: १) काजूगर थोडे थोडे  घेऊन मिक्सरमध्ये बारीक पावडर करून घेतली. ती बाजूला ठेवली.

२) आमरस एक वाटी मोजून घेतला.

३) कढईत एक वाटी साखर आणि अर्धी वाटी पाणी घेऊन पाक करायला ठेवलं, त्यात पाव चमचा वेलची पावडर घालून गोळीबंद पाक केला.

४) गॅस बंद करून आटवलेला आमरस मिक्स केला.

५) खाली उतरून घोटलं, आणि त्याचे छोटे गोळे करून घेतले.

६) दुसऱ्या कढईत एक वाटी साखर, अर्धी वाटी पाणी घालून पाक करायला ठेवलं, वेलची पावडर घातली. साखर विरघळल्यावर त्यात काजू पावडर मिक्स केली. 

७) दोन मिनिटं गॅसवर ठेवून कढ काढला आणि गॅस बंद करून मिश्रण घट्ट होईपर्यंत खाली उतरून घोटलं.

८) गोळा झाल्यावर जेवढे गोळे आंब्याचे झालेत तेवढे गोळे काजूचे केले.

9) प्रत्येक गोळ्याची वाटी करून त्यात आंब्याचा गोळा ठेवला आणि बंद केलं.

१०) सगळे गोळे असे करून घेतले.

११) आता रीळाच्या दोऱ्याने चार भाग अलगद कापले.

१२) कमळफुल तयार!

काजूची कमळफुले

काजूची कमळफुले:

साहित्य: काजूगर एक कप, साखर अर्धा कप, पाव कप पाणी खाण्याचे रंग हिरवा, लाल

कृती: काजूगर थोडे थोडे तीन वेळा घेऊन थांबून थांबून फिरवावे आणि पावडर करून घ्यावी. 

कढईत साखर आणि पाणी एकत्र करून उकळावे. 

साखर विरघळली की त्यात काजू पावडर मिसळावी. 

दोन मिनिटं परतून घट्ट होत आलं की खाली उतरून गोळा होईपर्यंत घोटावे.  

गोळ्याचे तीन भाग करून घ्यावे. एक भाग पांढरा ठेवावा. एकात दोन थेंब लाल रंग घालून मिक्स करावा. एकात हिरवा रंग दोन थेंब मिक्स करावा.

  तीन रंगाचे  सारखे  छोटे गोळे करून घ्यावे. लाल गोळी तसाच ठेवावी. पांढऱ्या गोळ्याची मोदकाला करतो तशी वाटी करावी, तशीच हिरव्या रंगाची करावी. हिरवी वाटी घेऊन त्यात पांढरी वाटी ठेवावी, त्यात लाल गोळी ठेवून गोल करावा. 

रिळाचा दोरा घेऊन चार भाग करावे.असेच सर्व करून घ्यावे. पाकळ्या अलगद सोडवाव्यात. 

अशीच सगळी कमळं तयार करावी.

✍🏻मीनल सरदेशपांडे

काजू पिस्ता रोल:

काजू पिस्ता रोल: 
साहित्य: काजूगर  एक वाटी, साखर अर्धी वाटी, पाणी पाव वाटी, वेलची पावडर

रोलसाठी: पिस्ता 25 ग्रॅम, बदाम 25 ग्रॅम, पिठीसाखर एक टेबलस्पून, दूध अर्धा टेबलस्पून, खाण्याचा हिरवा रंग दोन थेंब, वेलची पावडर

 कृती:

 पिस्ता आणि बदाम वेगवेगळे मिक्सरला लावून भरडसर वाटून घ्यावे, त्यात पिठीसाखर, चिमूटभर वेलची पावडर घालून मिक्स करावे. दुधात कलर घालून ते दूध हळूहळू या मिश्रणात मिक्स करावे. व्यवस्थित रोल होईल एवढे दूध घालावे. मिसळून घेऊन लांब करंगळीएवढे रोल करून ठेवावेत.  काजूगर थोडे थोडे घेऊन पावडर करावी.  अर्धी वाटी साखरेत पाव वाटी पाणी घालून  गॅसवर ठेवावे. साखर विरघळू द्यावी. पूर्ण विरघळली की काजू पावडर आणि चिमूटभर वेलची पावडर घालून मिक्स करावे. दोन मिनिटं शिजवावे. खाली उतरून घोटत रहावे. जाड पिशवी दोन कडा कापून सरळ करावी. त्याला तूप लावावे. काजूचा गोळा घट्ट झाला की पिशवीवर  अर्ध्या भागात काढून घ्यावा, अर्धा भाग त्यावर ठेवून लाटण्याने चौकोनी लाटावे.  लांब चार पट्ट्या कापून घ्याव्या, तयार  पिस्ता रोल त्यावर ठेवून पिशवी सोडवत पट्टी त्याला गुंडाळून घ्यावी. रोल घट्ट वळावेत. आवडीप्रमाणे तुकडे करावेत.

कलिंगडाच्या पांढऱ्या भागाची बर्फी:

कलिंगडाच्या पांढऱ्या भागाची बर्फी: 

• साहित्य: 2 कप कलिंगडाच्या पांढऱ्या भागाचा किस,
•  1 कप खवा, 
• 1 कप साखर, 
• 1 टेबलस्पून साजूक तूप
• कृती: 
• कलिंगडाचा पांढरा भाग किसून घ्या. 
• कढईत तूप तापत ठेवा.
•  कलिंगडाच्या किसाला जे पाणी सुटेल ते गाळून बाजूला ठेवा. 
• आता किस तुपावर दहा मिनिटं परता.
  
•  त्यात खवा साखर मिक्स करून गोळा होईपर्यंत परतत रहा. 
• ताटाला तुपाचा हात लावून घ्या.
  
•  गोळा ताटावर थापून आवडीच्या आकारात कापा.
• ही वडी बर्फीसारखी मऊ छान लागते.
  
• ✍🏻 मिनल सरदेशपांडे

शेंगदाण्याच्या कुटाची चिक्की

शेंगदाण्याच्या कुटाची चिक्की:

ही चिक्की करायची ठरवलं तेव्हा डोळ्यासमोर आली आमची घारू आत्ते... खरं तर माझ्या आत्याची नणंद.. आमचीच सख्खी आत्या कधी झाली ते कळलंच नाही! काही वेळा सख्ख्या नात्यापेक्षा प्रेमाचं नातं जास्त जवळचं वाटतं.. तशी घारू आत्ते म्हणजे मायेचा सागर! तिला नुसतं पाहिलं तरी डोळ्यात जाणवायचा फक्त आपलेपणा, प्रेम आणि अगत्य... त्याच धाग्याने नात्यापेक्षा जास्त बांधून ठेवलं होतं तिने! तिच्याकडे जाणारा कोणीही कधीच विन्मुख परत येणारच नाही. माझे बाबा घरचे आंबे घेऊन गेले की न बोलता ती पोळी भाजीचं ताट समोर ठेवायची. बाबांच्या शबनम मध्ये रिक्षाचे पैसे आणि आम्हा मुलांसाठी कसल्या तरी वड्या हळूच सरकवायची. आपल्याला एवढ्या लांबून हा वस्तू आणतो याबद्दल तिला अतिशय कौतुक होतं. मीही रत्नागिरीत कॉलेजमध्ये असताना कधीही वस्तीला रहायची वेळ आली की हक्काने जायची आत्तेकडे! तिच्या 'यावं गं!' या शब्दात माणसं बांधली गेली होती, माणुसकीच्या, प्रेमाच्या धाग्याने!
घारू आत्ते उत्तम सुगरण होती...अनेक प्रकारच्या वड्या ती फार सुंदर करायची. वेगवेगळी लोणची हा तिचा हातखंडा! ती पाच मिनिटांत दुसरं चहा प्यायला कोणी येणार असेल तरी त्याच्यापुरता चहा परत करायची..करून ठेवलेला आवडत नसे तिला. प्रत्येकवेळी चहाची चव सारखीच असायची.. अगदी तिच्या हळुवार, लोभस स्वभावासारखी!
ह्या शेंगदाण्याच्या तिने करून पाठवलेल्या चिक्कीची चव अजून माझ्या जिभेवर तशीच आहे..आज करून झाल्यावर तुकडा खाल्ला आणि  घारुआत्तेच्या प्रेमळ आठवणींसह सगळं झरझर समोर आलं!
साहित्य: अर्धी वाटी साखर, एक वाटी दाण्याचं कूट, अर्धा चमचा तूप
कृती: पोळपाटाला थोडं तूप लावून घ्या. लाटण्याला ही तूप लावा. कढईत साखर आणि तूप घालून मंद गॅसवर ढवळत रहा. दाण्याचं कूट तयार ठेवा. यात अजिबात पाणी वापरायचं नाही. हळूहळू साखरेचे मोठे खडे होतात आणि परत ती विरघळू लागते.

साखर विरघळू द्यायची पण धूर येता कामा नये. साखर पूर्ण विरघळली की कढई खाली उतरून दाण्याचं कूट मिसळून तयार पोळपाटावर गोळा घ्या.

लाटण्याने पटापट पातळ लाटा, लगेच सुरीने रेघा मारा.

पाच मिनिटांत चिक्की सुटते. मस्त कुरकुरीत, खमंग लागते चिक्की!

घारू आत्तेच्या आठवणीत चिक्कीची गोडी थोडी जास्तच वाढलीय....सख्ख्या नात्यांच्या  प्रेमासाठी आतुरतेने वाट पहायला लागणाऱ्या आजच्या जगात प्रेमाची ओंजळ निस्वार्थीपणे रिकामी करणारी घारू आत्ते माणुसकीचा दीपस्तंभ उभा करते...तोही अगदी सहजपणे!

पाडवा स्पेशल... दिव्यांची मिठाई

साहित्य:

 एक वाटी काजूगर, अर्धी वाटी साखर, दोन टीस्पून कोको पावडर, वातींसाठी अर्धी वाटी काजूगर, पाव वाटी साखर केशरी रंग, दिव्यातील तूप म्हणून व्हाईट चॉकलेट कंपाउंड, थोडं दूध, सिल्व्हर बॉल्स

कृती:
 दिव्यासाठी च्या काजूची पावडर करा. त्यात कोको पावडर मिसळून घ्या.कढईत अर्धी वाटी साखर घ्या. त्यात पाव वाटी पाणी घाला. साखर विरघळू द्या. आता त्यात तयार काजू पावडर मिसळून ढवळत रहा. घट्ट होऊ लागलं की खाली उतरून घोटत रहा. गोळा झाला की ताटात काढून मळा. छोटा गोळा घेऊन दिव्याचा आकार द्या. सगळे दिवे करून घ्या.

आता वाती साठी काजू पावडर करा. अगदी तजोड खायचा रंग किंवा केशर सिरप घ्या. कढईत पाव वाटी साखर घ्या.थोडं पाणी घाला. साखर विरघळली की त्यात तयार पावडर आणि रंग मिसळा. दोन मिनिटं ढवळून खाली उतरवा. घटून गोळा करा. वाती तयार करून घ्या. आता एका मोठ्या पातेल्यात पाणी उकळवा. दुसऱ्या छोट्या भांड्यात व्हाईट चॉकलेट कंपाऊंडचे तुकडे घ्या. अगदी थोडं दूध घाला. उकळत्या पाण्यात भांडं धरून चॉकलेट वितळवून घ्या. डबल बॉयलर पद्धतीने! आता तयार दिव्यात पटापट चॉकलेट घाला. जरा घट्ट झालं की तयार वाती उभ्या करा.

मस्त वेगळी दिवाळी स्पेशल मिठाई तयार आहे!

खोबऱ्याची वडी/ नारळी पाक:

खोबऱ्याची वडी/ नारळी पाक:

साहित्य:
ओलं खोबरं दोन वाट्या, दूध एक वाटी, साखर दीड वाटी, वेलची पावडर पाव चमचा, तूप दोन चमचे

कृती:

ओलं खोबरं आणि दूध एकत्र करून मिक्सरमध्ये बारीक करून घ्यावे. कढईत एक चमचा तूप घालून वाटलेलं खोबरं आणि साखर एकत्र करून मंद गॅसवर ढवळत रहावे. घट्ट होऊ लागले की उरलेलं एक चमचा तूप आणि वेलची पावडर घालून परतत रहावे. ताटाला तुपाचा हात लावावा. गोळा  झाला की खाली उतरून घोटत रहावे. घट्ट झाला की ताटावर थापून आपल्या आवडीप्रमाणे वड्या कापाव्यात.
मी सजावटीसाठी केशर काड्या वापरल्यात.

गूळ पापडी: मिक्स पिठाची

साहित्य:

 तीन वाट्या गहू अर्धी वाटी डाळं, अर्धी वाटी मूग किंवा मुगडाळ, एक वाटी साजूक तूप, तीन वाट्या गूळ, चार टीस्पून सुंठ पावडर, अर्धी वाटी सुकं खोबरं कीस, अर्धी वाटी खारीक पावडर, अर्धी वाटी खसखस, वेलची पावडर एक टीस्पून, बदाम 20/ 25

कृती:

   3 वाट्या गहू लाह्या फुटेपर्यंत भाजावेत.

 अर्धी वाटी मूग किंवा मुगडाळ भाजावी. 

अर्धी वाटी डाळं , अर्धी वाटी मूग, 3 वाट्या गहू हे सर्व एकत्र रवाळ दळून घ्या.
कढईत खसखस आणि किसलेलं सुकं खोबरं खमंग भाजून वेगवेगळे ठेवा. 

आता कढईत एक वाटी तूप घेऊन त्यात तयार पीठ मोजून चार वाट्या घ्या.

 हे फक्त तुपावर पाच मिनिटं गरम करा. 

आपण आधीच सगळं भाजल्यामुळे फार भाजावे लागत नाही. 

गॅस बंद करा. 

भाजलेलं सुकं खोबरं चुरून पिठात मिसळा. 

खसखस मिक्सरला थोडी फिरवावी आणि पिठात मिक्स करावे.

 खारीक पावडर, वेलची पावडर आणि सुंठ पावडर पिठात घालावी. 

बदाम काप करावेत. 

थोडे सजावटीसाठी ठेवून बाकी पिठात मिसळावे. 

दुसऱ्या कढईत तीन वाट्या गूळ घ्यावा.

 त्यात एक वाटी पाणी आणि एक टीस्पून तूप घालून पाक करायला ठेवावा.

दोन तारी पाक करून त्यात तयार मिश्रण मिसळावे.

 एका ताटाला तुपाचा हात लावून त्यावर वड्या थापाव्यात. बदाम कापांनी सजवावे.

टीप: गहू भाजून केलेली गूळ पापडी अधिक खमंग लागते. आमच्याकडे खूप गोड आवडत नाही पण तुम्हाला हवा असेल तर थोडा गूळ वाढवा.

मोहनथाळ

दिवाळी स्पेशल!!
साहित्यः जाडसर दळलेले बेसन पाव किलो, साजूक तूप पावणे दोन वाट्या, साखर अडीच वाट्या, थोडेसे दुध, अर्धा चमचा वेलची पावडर, बदाम काप सजावटीसाठी, चिमुट्भर केशर अगर केशरी रंग.
क्रुती: प्रथम बेसन एका परातीत घ्यावे. दोन चमचे तूप गरम करून त्यात घालावे. थोडया दुधाचा हबका मारावा. पाच मिनिटे पीठ झाकून ठेवावे. त्यानंतर पाच मिनिटानी रव्याच्या चाळणीने पीठ चाळून घ्यावे. कढईत बाकीचे तूप घेवून, त्यात बेसन घालून तांबूस रंगावर भाजून घ्यावे. दुसय्रा पातेल्यात साखर घेऊन त्यात साखर बुडेल इतके पाणी घालून पाक करावा. पाक एकतारी पेक्षा थोडा जास्त असावा पण दोन तारी नको.पाक तयार होत आल्यावर त्यात वेलची पावडर, केशर मिसळावे. तयार पाक भाजुन ठेवलेल्या बेसनात मिसळून मिश्रण गैसवर ठेवावे. मिश्रण आळत आले की थाळ्याला तूपाचा हात लावून त्यात ओतावे. थाळा हलवून मिश्रण सेट करावे. बदामाच्या कापानी सजवावे. तासाभराने आवडीप्रमाणे वड्या पाडाव्या.
दिवाळी असल्यामुळे तूपाच्या प्रमाणाचा विचार न करता मनसोक्त खावे.

बेसन वडी:

साहित्य:
 बेसन एक वाटी, तूप एक वाटी, दूध एक वाटी, साखर दोन वाट्या, ओलं खोबरं एक वाटी, वेलची पावडर पाव चमचा, केशर सिरप एक चमचा, बदाम काप

कृती:
 खोबरं, बेसन, तूप, दूध आणि साखर सगळं कढईत एकत्र करून मंद गॅसवर ढवळत रहावं. घट्ट होऊ लागलं की वेलची पावडर, केशर सिरप घालावं. गॅस बंद करून खाली उतरून गोळा होईपर्यंत घोटावे. ताटाला तुपाचा हात लावून घ्यावा. त्यावर गोळा थापावा, बदामाच्या कापांनी सजवावे.
मिनल सरदेशपांडे

खजूर रोल

साहित्य:
अर्धा की खजूर, अर्धी वाटी काजूगर, अर्धी वाटी बदाम, एक चमचा तूप

कृती:
 खजुरातील बिया काढून तुकडे करावे. थोडा थोडा घेऊन मिक्सरला भरड वाटावा. काजूगर, बदाम थोडे तुकडे राहतील असे मिक्सरला फिरवावे. कढईत तूप घ्यावे. त्यात भरडसर केलेला खजूर मंद गॅसवर परतावा. पाच मिनिटांनी काजुगराची आणि बदामाची पावडर मिसळावी. दोन मिनिटं परतावे. खाली उतरून तुपाच्या हाताने रोल करावे. गार झाले की कापावे. याचे लाडू किंवा मोदक पण करू शकता. खजूराची गोडी पुरते, साखर लागत नाही.

बाप्पाचा नैवेद्यः काजू मोदक आणि काजूकतली

काजू मोदक

गणपतीसाठी खास सोपी आवडती झटपट आणि घरी केल्यामुळे खूपच स्वस्त अशी रेसिपी!
साहित्य:
एक वाटी काजूगर,
अर्धी वाटी साखर,
पाव वाटी पाणी,
वेलची पावडर,
अर्धा चमचा तूप,
मोदक साचा
कृती:
काजूगर मिक्सरला थांबून थांबून फिरवावे, आणि पावडर करावी. सलग फिरवले तर तेल सुटेल पण पावडर बारीक होणार नाही.
कढईत अर्धा चमचा तूप घ्यावे. गॅस मंद ठेवावा. आता त्यात साखर आणि पाव वाटी पाणी घालून साखर विरघळेपर्यंत ढवळत राहावे.
साखर पूर्ण विरघळली की काजू पावडर मिसळावी. पाच मिनिटे शिजवावे. वेलची पावडर घालावी.
गोळा होऊ लागला की खाली उतरून घोटावे. घट्ट गोळा झाला की साच्याला तूप लावून त्यात छोटे गोळे भरून मोदक करावेत.
.

.
.

.
.

.
.
तेव्हढाही वेळ नसेल तर ताटाला तुपाचा हात लावून मिश्रण थापावे. काजूकतली तयार आहे.
.
.

स्ट्रॉबेरी कलाकंद

.
.

साहित्य:
स्ट्रॉबेरी क्रश १०० ग्रॅम,
पनीर १०० ग्रॅम,
साखर १०० ग्रॅम,
खवा १०० ग्रॅम,
वेलची पावडर,
बदाम काप
कृती:
मी तयार मॅप्रोचा स्ट्रॉबेरी क्रश वापरला पण ताज्या असतील तर जास्त चांगल्या!
खवा, साखर, पनीर आणि स्ट्रॉबेरी क्रश सर्व एका कढईत एकत्र करावे.
मंद गॅसवर ढवळत राहावे.
ताटाला तुपाचा हात लावून घ्यावा.
बदामाचे काप करावे.
मिश्रण घट्ट होऊ द्यावे. गोळा होऊ लागला की खाली उतरून वेलची पावडर घालावी, छान घोटावे.
गोळा झाला की ताटात थापावा.
बदामाच्या कापानी सजवून वड्या पाडाव्या. झटपट कलाकंद तयार आहे!
.

.
.