रवा पोहे डोसा:
साहित्य: रवा दोन कप, पोहे एक कप, तांदूळ पीठ अर्धा कप, बेसन पाव कप, एक टीस्पून लाल तिखट किंवा हिरवी मिरची पेस्ट, दोन कप ताक, तेल तीन टीस्पून, मोहोरी अर्धा टीस्पून, हळद अर्धा टीस्पून, हिंग पाव टीस्पून, आलं पेस्ट एक टीस्पून, कढीलिंब पानं सातआठ, मीठ, पाणी
कृती: तेलाची मोहोरी, हळद, हिंग घालून फोडणी करून गार करत ठेवा.रवा, तांदूळ पीठ, बेसन चार कप पाण्यात भिजवून ठेवा. पोहे धुवून पाणी निथळून घ्या. त्यात दोन कप ताक घालून मिक्सरमध्ये बारीक वाटून घ्या, रव्याच्या मिश्रणात घाला.
त्यात चवीनुसार मीठ, तिखट, आलं पेस्ट घाला. गार फोडणी मिसळा. कढीलिंब बारीक चिरून घाला. मिश्रणात डोश्याचे पीठ असते तेवढे सरसरीत होईल इतपतच पाणी घाला, नीट मिक्स करा. तवा तापवून त्यावर तेल लावून नेहमीप्रमाणे डोसे घाला. दोन्ही बाजू भाजून घ्या, चटणी आणि लोण्यासोबत सर्व्ह करा.
✍🏻 मीनल सरदेशपांडे
