टॉमेटो चटणी:
साहित्य: पाच पूर्ण पिकलेले टॉमेटो, पाच सहा सुक्या मिरच्या, अर्धी वाटी खोबरे, पाच सहा लसूण पाकळ्या, मीठ, एक टिस्पून लाल तिखट, एक ते दीड टिस्पून साखर, अर्धा टिस्पून जिरं पावडर.
फोडणीसाठी एक टिस्पून तेल, पाच सहा कढीलिंबाची पाने, जिरं आणि हिंग
कृती: टॉमेटो चिरून बिया काढून घ्या. मध्यम फोडी करा. एक टिस्पून तेलावर आधी लसूण पाकळ्या घालून दोन मिनिटं परता. आता टॉमेटो घालून त्याचा कच्चा वास जोपर्यंत
जात नाही तोपर्यंत परतत रहा.
गॅस बंद करून गार होऊ द्या. परतलेला टॉमेटो, भिजवलेल्या मिरच्या, खोबरं, मीठ, साखर, जिरं पावडर आणि तिखट एकत्र करून बारीक वाटून घ्या.
चव बघून काही लागलं तर वाढवा.
आता फोडणीसाठी तेल तापवून त्यात जिरं, हिंग, कढीलिंबाची पाने आणि गॅस बंद करून किंचित तिखट घालून ही फोडणी चटणीला द्या.
#मिनलरेसिपीज
#चटणी
#डोसा
#नाश्ता
✍🏻 मीनल सरदेशपांडे
