साहित्यः मिश्र पीठ, तिखट, मीठ, कोथिंबीर, पाणी, तेल.
मिश्र पीठ : ३ वाट्या तांदूळ, ३ वाट्या चणा डाळ, एक वाटी उडीद डाळ, एक वाटी मूग डाळ, अर्धी वाटी गहू, अर्धी वाटी जोंधळा, पाव वाटी मसूर डाळ, पाव वाटी तूर डाळ, 1टेबलस्पून मेथी, 1 टेबलस्पून धने, अर्धा टेबलस्पून जीरं हे सर्व एकत्र करून दळून आणावे.
कृती:
आपल्याला लागणार असेल तेवढे त्यार पीठ घ्या. या पिठात तिखट, मीठ चवीनुसार घाला. बारीक चिरलेली कोथिंबीर घाला. पाणी घालून डोश्यासारखे पीठ भिजवा. तवा तापत ठेवा. तेल पसरा. आता तयार मिश्रण गोल पसरवा. एक मिनिट झाकण ठेवा. झाकण काढून धिरडे परता. दुसरी बाजू भाजून घ्या. गरमागरम धिरडे सॉस, लोणी, चटणी बरोबर खायला द्या.
या पिठात मेथी पाने, पालक, कांदा, टॉमेटो असे काहीही घालून वेगवेगळ्या चवीची धिरडी बनवू शकता.
कोणत्याही टिप्पण्या नाहीत:
टिप्पणी पोस्ट करा