पपईची भाजी

कोकणात पूर्वी खेडेगावात फारशा भाज्या मिळत नसत. आणि विकत आणण्याएवढी परिस्थितीही नसे. मग परसात मिळणाय्रा विविध वस्तूंचा उपयोग करून तोंडीलावणे भागवले जायचे. पावसाळ्यात येणाय्रा विविध रानभाज्या, फणसाचा आठिळा, वाळवलेले गरे,  भोपळ्याची कोवळी पाने असे सर्व भाजीसाठी उपयोगी येत असे. अशाच एका नविन भाजीची रेसिपी पाहूया.
साहित्यः एक कच्चा पपई, तेल, फोडणीचे साहित्य, तिखट, मीठ, गूळ, कढीलिंबाची पाने, खोबरं, कोथिंबिर.
कृती: पपईची साले काढून आपल्या आवडीप्रमाणे फोडी करून घ्याव्यात. केलेल्या फोडी दहा मिनिटे मिठाच्या पाण्यात ठेवाव्यात (चीक जाण्यासाठी) कढईत तेल तापत ठेवावे, नेहमीप्रमाणे मोहोरी, हिंग्,हळद घालून फोडणी करावी, लालतिखट घालावे. चिरलेल्या फोडी फोडणीत घालून परताव्या. कढिलिंबाची पाने घालावी.थोडे पाणी घालून झा़कण ठेवावे. फोडी शिजल्या की मीठ, गूळ, ओले खोबरे घालावे. कोथिंबिर घालून सर्व्ह करावी.