साहित्यः
आलं किसून एक वाटी, साखर एक वाटी, सायीसह दूध किंवा नुसते दूध अर्धी वाटी
कृती:
आलं स्वच्छ धुवावे. सालं काढून किसून घ्यावे.किसल्यावर मिक्सरला फिरवावे. आधी मिक्सरला फिरवले तर दोर रहातात. जेवढा आल्याचा कीस तेवढी साखर आणि त्याच्या निम्मे सायीसकट दूध घ्यावे. मिश्रण कढईत एकत्र करून मंद गॅसवर ढवळत रहावे.
गोळा होत आला की खाली उतरून घोटावे. ताटाला तूपाचा हात लावून त्यात मिश्रण थापावे. वड्या पाडाव्यात.
साखरेचे प्रमाण आल्याच्या तिखटपणावर वाढवावे. मी या वड्या थोड्या जास्त सुकवल्यात कारण ओल्या राहिल्या तर जास्त टिकत नाहीत. सायीसह दूध वापरल्याने आल्याचा तिखटपणा कमी येतो.
कोणत्याही टिप्पण्या नाहीत:
टिप्पणी पोस्ट करा