लाल भोपळा मखाणें खीर:
लाल भोपळ्याचे गोड आणि तिखट अनेक प्रकार होतात.
मी एकदा हलवा पण करून पाहिला होता पण मला त्यात शिजलेल्या भोपळ्याचा तो एक जो वास येतो तो नाही आवडला.
पण खीर मात्र मस्त लागते.
साहित्य: भोपळ्याचा कीस एक वाटी, दूध १ लीटर, तूप १ चमचा, साखर, जायफळ पावडर, केशर, बदाम काप, मखाणे एक वाटी
कृती: कोरड्या कढईत मखाणे भाजून बाजूला ठेवा. कढईत तूप घाला. त्यात भोपळ्याचा कीस घालून परता.
कीस शिजला की त्यात सायीसह
किंवा न तापवता एक लीटर दूध घाला. चवीप्रमाणे साखर घाला. गरम केलेले मखाणे पावडर करून मिसळा. बदाम काप, केशर घालून मंद आचेवर उकळू द्या. जायफळ खरं तर दुधात उगाळून लावलं तर स्वाद जास्त छान येतो.
किंवा मग किसून घाला.
खीर तयार आहे!
टीप: मखाणे अख्खे पण घालता येतात पण पावडर घातली की खीर पण दाट होते. ते नसतील तर थोडी दूध पावडर लावली तरीही खीर दाट होते.
किंवा वेळ असेल तर छान आटवून तर काय अप्रतिम होतेच.
हा रंग आलाय तो भोपळा परतल्यावर आलाय आणि केशर.
भोपळ्या ऐवजी गाजर पण छान होते खीर.
✍️ मीनल सरदेशपांडे
कोणत्याही टिप्पण्‍या नाहीत:
टिप्पणी पोस्ट करा