भोपळ्याचे घारगे:
साहित्य: भोपळ्याचा कीस दोन वाट्या घट्ट भरून, गुळ बारीक चिरून दोन वाट्या, तांदूळ पिठी दोन वाट्या, साजूक तूप दोन चमचे, चवीपुरतं मीठ, पाव वाटी ओलं खोबरं, किंचित हळद, तळणीसाठी तेल
कृती: भोपळ्याचा कीस वाटीत दाबून घट्ट भरून मोजून घ्या. कढईत दोन चमचे तूप घालून त्यात हा किस परतून घ्या. परतून किंचित मऊ झाला की त्यात गूळ घाला. मीठ हळद ओल खोबरं घालून गूळ विरघळेपर्यंत मंद गॅसवर ठेवा. गूळ विरघळला की त्यात तांदूळ पिठी मिक्स करा आता व्यवस्थित ढवळून कढईवर झाकण ठेवा दोन मिनिट वाफ येऊ द्या. आता ही तयार झालेली आट झाकून गार होऊ द्या. गार झाल्यावर गोळे करून थापून मध्यम गॅसवर तळा. थापताना खसखस लावली तर अजून छान लागते बघा करून!
✍️ मीनल सरदेशपांडे
कोणत्याही टिप्पण्या नाहीत:
टिप्पणी पोस्ट करा