कृती: छोट्या कढईत तेल तापवून मोहोरी, हिंग आणि हळदीची फोडणी करून गार करायला ठेवावी. रवा, तांदूळ पीठ आणि बेसन एकत्र करून त्यात ताक घालावे. मिरची पेस्ट, आलं पेस्ट, मीठ आणि बारीक चिरून कढीलिंबाची दहाबारा पाने घालावीत. कांदा अगदी बारीक चिरून घालावा(ऐच्छिक). लागेल तसे पाणी घालून धिरड्या इतपत सैल करावे. गार झालेली फोडणी मिश्रणात मिक्स करावी. बीडाचा तवा तापत ठेवावा. तव्यावर तेल लावून मिश्रण पसरावे. झाकण ठेवून एक वाफ काढावी.
टीप: रव्यामुळे प्रत्येक वेळी डोसा घालताना मिश्रण खालपासून ढवळावे. अधेमधे थोडे पाणी घालायला लागू शकते.
कोणत्याही टिप्पण्‍या नाहीत:
टिप्पणी पोस्ट करा