मसुरडाळ ढोकळा:
साहित्य: मसुरडाळ एक कप, तांदूळ अर्धा कप, मेथी पाव चमचा, आलं लसूण पेस्ट 1 टीस्पून, मिरची पेस्ट अर्धा टीस्पून, मीठ, तेल एक टेबलस्पून, मोहोरी पाव टीस्पून, धने पाव टीस्पून, तीळ अर्धा टीस्पून, कोथिंबीर, खोबरं, एक लिंबू, अर्धा टीस्पून खायचा सोडा, 1 टीस्पून साखर, 1 टीस्पून तेल, पाणी
कृती: सकाळी मसुरडाळ, तांदूळ आणि मेथी एकत्र भिजवा. रात्री वाटून आबवत ठेवा. दुसऱ्या दिवशी सकाळी पिठात आलं लसूण पेस्ट, मिरची पेस्ट मीठ घाला आणि लिंबू पिळा. इडली इतपत पीठ असू द्या. कूकरमध्ये पाणी घालून गॅसवर ठेवा. ज्यात ढोकळा वाफवायचा त्या डब्याला तेल लावा. कुकरमधील पाणी उकळायला लागलं की पिठात एक टीस्पून तेल आणि खायचा सोडा घालून भराभर ढवळा. कुकरच्या तेल लावलेल्या डब्यात ओता, कुकरमध्ये डबा ठेवा, शिट्टी काढून 20 मिनिटं वाफवा. तेलाची मोहोरी, धने तीळ घालून फोडणी करा. फोडणीत पाव कप पाणी आणि एक टीस्पून साखर घाला. तयार ढोकळ्यावर ही फोडणी घाला.कोथिंबीर धुवून बारीक चिरा. खोबरं कोथिंबीर घालून सजवा
कोणत्याही टिप्पण्‍या नाहीत:
टिप्पणी पोस्ट करा