रवा बटाटा पराठा:
साहित्य: अर्धा कप बारीक रवा, दोन बटाटे, एक कप कणिक, आलं लसूण पेस्ट 1 टीस्पून, लाल तिखट 1 टीस्पून, ओवा 1 टीस्पून, हळद अर्धा टीस्पून, मीठ, कोथिंबीर मूठभर, पाणी, तेल
कृती: अर्धा कप रव्यात एक कप गरम पाणी घालून दहा मिनिटं झाकून ठेवा. बटाटे शिजवून सोलून किसून घ्या. दहा मिनिटांनी रव्यात किसलेला बटाटा, बारीक चिरलेली कोथिंबीर, ओवा, तिखट, मीठ, हळद, आलं लसूण पेस्ट घाला. सर्व मिश्रण एकत्र करून हळूहळू कणिक घालत पोळीसारखी कणिक तयार करा. बहुतेक पाणी लागत नाही भिजवताना, लागलं तर थोडं वापरा. एक टीस्पून तेल घेऊन कणिक नीट मळून ठेवा.
दहा मिनिटं कणिक मुरू द्या. आता नेहमीप्रमाणे पराठा लाटून दोन्ही बाजूने तेल सोडून भाजा. मस्त खुसखुशीत पराठा तयार आहे. लोणी, सॉस किंवा चटणी सोबत सर्व्ह करा.
कोणत्याही टिप्पण्या नाहीत:
टिप्पणी पोस्ट करा