रव्याची कुरकुरीत भजी:
साहित्य: 1 कप (250 ml) न भाजलेला रवा, अर्धा कप दही, पाव कप गाजर कीस, पाव कप बारीक चिरलेला कांदा, 1 बटाटा सोलून किसून, 1 टीस्पून आलं, 1 टीस्पून मिरची पेस्ट, पाव कप कोथिंबीर, दोन टेबलस्पून कॉर्न फ्लोअर, मीठ, अर्धा टीस्पून खायचा सोडा, पाणी, तळणीसाठी तेल
कृती: रव्यात किसलेलं गाजर, बटाटा,कांदा, बारीक चिरलेली कोथिंबीर, आलं मिरची पेस्ट , मीठ आणि दही घाला. अर्धा कप पाणी घाला आणि अर्धा तास मिश्रण झाकून ठेवा. आता त्यात कॉर्न फ्लोअर आणि खायचा सोडा मिक्स करा. मिश्रण भज्यांच्या पिठाइतपतच सैल हवं. तळणीसाठी कढईत तेल तापत ठेवा. तेल तापल्यावर मध्यम गॅसवर भजी तळून घ्या.
टॉमेटो सॉस किंवा चटणी सोबत सर्व्ह करा. जेवताना काहीतरी तळण म्हणूनपन करू शकता.
टीप: यात कांदा न घालता तुमच्या आवडीने कोणत्याही भाज्या घालू शकता. मला ज्यात त्यात लसूण आवडत नाही तुम्हाला हवी तर घाला.
भजी मस्त कुरकुरीत होतात नक्की करून पहा.
