टॉमेटो आम्लेट:
साहित्य: 3 टॉमेटो, 2 कांदे, दहा लसूण पाकळ्या, चार मिरच्या किंवा 1 टीस्पून लाल तिखट, कोथिंबीर पाव कप, मीठ, बेसन दोन कप, तांदूळ पीठ अर्धा कप, हळद अर्धा टीस्पून, पाणी, तेल
कृती: कांदा, टॉमेटो बारीक चिरून घ्या. लसूण, मिरची अगदी बारीक चिरा. कोथिंबीर धुवून बारीक चिरा. एका पातेल्यात बेसन, तांदूळ पीठ एकत्र करा. त्यात मिरची, कोथिंबीर, कांदा, टॉमेटो, लसूण, मिरच्या किंवा लाल तिखट, मीठ, हळद सर्व एकत्र करा. हळूहळू पाणी मिक्स करा. खूप जास्त पातळ नको. चव बघून तिखट मीठ वाढवा. तवा तापत ठेवा. तापल्यावर गॅस मंद करून तव्याला तेल लावून घ्या. आता तयार मिश्रण धिरड्या सारखं पसरा.
झाकण ठेवा. दोन मिनिटांनी झाकण काढून बाजू पलटा. आता गॅस मोठा करून बाजूने तेल सोडून ती पण बाजू भाजून घ्या. गरमागरम टॉमेटो आम्लेट लोण्यासोबत सर्व्ह करा.
कोणत्याही टिप्पण्या नाहीत:
टिप्पणी पोस्ट करा