बीट केक:
साहित्य: 1 मध्यम बीट, अर्धा कप दूध, अर्धा कप दही, 1 कप पिठी साखर,, अर्धा कप तेल, दीड कप मैदा, 1 टीस्पून व्हॅनिला इसेन्स, 1 टीस्पून बेकिंग पावडर, 1 टीस्पून खायचा सोडा, 1 टीस्पून व्हीनिगर, चिमूटभर मीठ
कृती: बीट सोलून किसून घ्या. किसात थोडं दूध घालून बारीक पेस्ट करून घ्या. कुकरची रिंग आणि शिट्टी काढून घ्या. कुकरमध्ये एक वाटी मीठ पसरा. आता मध्यम गॅसवर कुकर दहा मिनिटं प्रिहिट करायला ठेवा.
एका भांड्यात बीट पेस्ट, तेल पिठीसाखर, दही, व्हॅनिला इसेन्स एकत्र करून फेटून घ्या. मैदा, बेकिंग पावडर, सोडा एकत्र करून चाळणीने चाळून फेटलेल्या मिश्रणात मिक्स करा. एक दिशेने ढवळत रहा, हळूहळू त्यात उरलेलं दूध मिक्स करा. केकच्या भांड्याला तेल लावून घ्या. आता तयार मिश्रणात व्हीनिगर घालून मिश्रण पटापट फेटा आणि केकच्या भांड्यात ओता. मिठावर स्टीलचा स्टॅण्ड ठेवून त्यावर केकचं भांडं ठेवा.
कुकरचं झाकण लावून दहा मिनिटं मध्यम गॅसवर आणि 35 मिनिटं बारीक गॅसवर केक भाजा. 45 मिनिटांनी झाकण उघडून बघा, सूरी घालून त्याला केक चिकटला नाही की केक तयार!
1 कप = 250ml
✍🏻
मीनल सरदेशपांडे
कोणत्याही टिप्पण्‍या नाहीत:
टिप्पणी पोस्ट करा