पडवळ मसाला भाजी

 पडवळ मसाला भाजी: 

साहित्य: अर्धा किलो पडवळ, 1 टेबलस्पून साऊथ इंडियन मसाला, दोन टेबलस्पून ओलं खोबरं, एक टीस्पून साखर, मीठ, दोन टीस्पून तेल, पाव टीस्पून मोहोरी, पाव टीस्पून हिंग, पाव टीस्पून हळद, पाव टीस्पून लाल तिखट, कढीलिंब पाने

कृती: पडवळ धुवुन बिया काढून काचऱ्या करून घ्या. बिया कोवळ्या असतील तर चटका करायला ठेवून द्या. मसाला मी आधी करून ठेवला. कढईत तेल तापत ठेवा. त्यात मोहोरी, हिंग, हळद, लाल तिखट घालून फोडणी करा. आता पडवळ, कढीलिंबाची पाने घालून परता. झाकण ठेवून पाच मिनिटं वाफ येऊ द्या. पडवळ शिजल्यावर त्यात मीठ, साखर, ओलं खोबरं आणि मसाला घालून परतत रहा. बाजूने तेल सुटलं की गॅस बंद करा. 

पोळीबरोबर सर्व्ह करा. 

साऊथ इंडियन भाजीचा मसाला:

 साहित्य: एक कप खोबऱ्याचा किस, दोन टेबलस्पून धने, दोन टेबलस्पून चण्याची डाळ, दोन टेबलस्पून उडीद डाळ, दोन टेबलस्पून तीळ, एक टेबलस्पून जीरं, अर्धा टीस्पून मेथी दाणे, एक टीस्पून मिरी, सात आठ सुक्या मिरच्या, दहा बारा कढीलिंबाची पाने, मीठ 1 टीस्पून

 कृती: सर्व घटक वेगवेगळे भाजून घ्या.  मिक्सर जारमध्ये घालून  बारीक वाटून घ्या.  तयार मसाला बरणीत भरून ठेवा.

मीनल सरदेशपांडे

✍🏻 मीनल सरदेशपांडे