घेवड्याची भाजी

 घेवड्याची भाजी: 

 साहित्य: घेवडा अर्धा किलो, एक टेबलस्पून तेल, अर्धा टीस्पून ओवा, पाव टीस्पून मोहोरी, पाव टीस्पून हिंग, पाव टीस्पून लाल तिखट,  हळद पाव टीस्पून, दीड टीस्पून सांडगी मिरची म्हणजे चार मिरच्या तळून बारीक केलेल्या, ओलं खोबरं अर्धी वाटी, गूळ 1 ते दीड टीस्पून, मीठ

कृती: शेंगा दोर काढून सोलून, धुवून वाफवून घ्या. कढईत तेल तापत ठेवा. त्यात सांडगी मिरची तळून बाजूला ठेवा.  आता मोहोरी, ओवा, हिंग, हळद, लाल तिखट अशी फोडणी करा. त्यात शेंगा घालून परता. सांडगी मिरची चुरून किंवा मिक्सर जारमध्ये घालून पावडर करा. भाजीत मीठ, गूळ, सांडगी मिरची , ओलं खोबरं घालून नीट परता. गूळ विरघळला की चव बघा काही लागलं तर वाढवा. 

मी परतून करते त्यामुळे पाणी नाही ठेवलं.  दाणे जून असतील तर फोडणीत नीट शिजत नाहीत म्हणून मी वाफवून घेतली. ओलं खोबरं भरपूर छान लागतं. सांडगी मिरचीचा फ्लेवर छान वाटतो भाजीला! 

तुम्ही तुमची पध्द्त शेअर करा☺️ अजून नवीन काही सापडेल!