कृती: तांदूळ धूऊन निथळत ठेवावेत. बीट शिजवून घ्यावीत. साले काढून बीट मिक्सरला फिरवून पेस्ट करून घ्यावी. काजूगर पाण्यात भिजत घालावेत. तांदूळ थोड्या तूपावर परतून मीठ, थोडे वाटलेले बीट घालून मोकळा भात शिजवून घ्यावा. कांदे चिरून घ्यावे. गाजराचे पेरभर लांबीचे पातळ चपटे तुकडे करावे. फरसबीच्या शेंगांचे पेरभर लांबीचे तिरके तुकडे करावे. गाजर, मटार, फरसबी, काजूगर थोडे वाफवून घ्यावे. टोंमॅटोचा रस काढावा. आलं लसूण वाटून घ्यावी.
कढईत तूप तापवून त्यात जिरे, काळी मिरी घालावी. त्यावर कांदा घालून गुलाबी रंगावर परतावा. कांद्यावर आलं-लसूण पेस्ट घालावी. थोडी परतून त्यावर गरम मसाला, लाल तिखट घालावे. वाफवलेल्या भाज्या घालून त्यावर भाज्यांपुरते मीठ घालावे. परतून घ्यावे. तयार भात मिसळावा. टोमॅटोचा रस घालावा. सर्व भात नीट एकत्र करून छान वाफ काढावी. एक वाफ आल्यावर वाटलेल्यापैकी उरलेला बीट रस भातात मिसळावा. ५-७ मिनिटे वाफवून गॅस बंद करावा. बीट्चा रस घातल्यावर जास्त वेळ वाफ काढली तर भाताचा रंग फिका होतो, म्हणून नंतर ५-७ मिनिटेच वाफवावा.
कोणत्याही टिप्पण्या नाहीत:
टिप्पणी पोस्ट करा