म्हाद्या: सातारा स्पेशल भाजी

साहित्य: पाच मध्यम कांदे, दोन टीस्पून तेल, दोन टीस्पून कांदा लसूण मसाला, शेंगदाणे कूट दोन टेबलस्पून, मीठ चवीनुसार, हळद पाव टीस्पून, लाल तिखट एक टीस्पून, मोहोरी पाव टीस्पून

कृती: 1) कांदा बारीक चिरा.
2) कढईत तेल तापत ठेवा.
3) मोहोरी घाला, ती तडतडली की कांदा घालून परता.
4) कांदा मऊ झाला की हळद, तिखट घालून परता.
5) दाण्याचं कूट आणि कांदा लसूण मसाला घाला, मीठ घाला आणि परता.
6) अगदी दोन टेबलस्पून पाणी घाला.
7) एक वाफ येऊ द्या. तेल सुटू लागलं की गॅस बंद करा.
8) म्हाद्या तिखट झणझणीतच असतो.. कमी तिखट हवा असेल तर लाल तिखट वगळा.