मेथी फ्लॉवर

साहित्य: अर्धा की फ्लॉवर, अर्धी जुडी मेथी, एक मध्यम कांदा, एक टेबलस्पून तेल, एक चमचा साखर, मीठ, लाल तिखट अर्धा टीस्पून, कांदा लसूण मसाला अर्धा टीस्पून, ओलं खोबरं दोन टेबलस्पून(ऐच्छिक), फोडणीचे साहित्य
कृती: 1)फ्लॉवरचे तुरे काढुन आवडीच्या आकारात कापून मिठाच्या पाण्यात घाला.
2) मेथी निवडून धुवून बारीक चिरा.
3) कांदा सोलून अर्धा लांबडा चिरा.
4) कढईत तेल तापत ठेवा.
5) मोहोरी घाला, ती तडतडली की कांदा घाला.
6) दोन मिनिटं परतून त्यात कच्ची बारीक चरलेली मेथी घालून परता.
7) मेथीवर पण चमचा हळद, तिखट घालून परता.
8) आता फ्लॉवर घालून परता आणि एक वाफ येऊ दया.
9) फ्लॉवर शिजला की साखर, मीठ आणि कांदा लसूण मसाला घालून परता.
10) ओलं खोबरं घाला एक वाफ येऊद्या.
मस्त गरमागरम भाजी तयार आहे!