तिखट मिठाची सांज्याची पोळी/ पराठा!

परवा नाश्त्याला उपीठ आणि शिरा दोन्ही केलं. पण सगळ्यांनी शिराच घेतला आणि उपीठ तसंच राहिलं. आता ते संपवायला तर हवं मग केली युक्ती!

पोळ्यांची कणिक शिल्लक होतीच, आलं लसूण पेस्ट केली. तयार उपिठात आलं लसूण मीठ तिखट घातलं आणि छान मळून घेतलं. पुरण पोळीसारखं कणकेच्या वाटीत भरलं आणि तेल सोडून भाजलं. गरमागरम वाढल्यावर उपीठ न खाणारे पण पटापट घेत होते! आता याला तिखट मिठाची सांज्याची पोळी म्हणा किंवा पराठा! नावात काय आहे😊 चव महत्त्वाची