भाताच्या लाह्यांचे लाडू

भाताच्या लाह्यांचे लाडू:

बहिणीने घरच्या भाताच्या लाह्या करून पाठवल्या होत्या, त्या खूपच होत्या म्हणून त्याचं काहीतरी करून पहायचं ठरवलं!
साहित्य: लाह्या चार वाट्या, गूळ दीड वाटी, एक टीस्पून सुंठ पावडर, एक टीस्पून तूप
कृती: लाह्या सालं म्हणजे करल काढून निवडून घेतल्या. मऊ वाटल्या म्हणून थोड्या भाजून घेतल्या.  कढईत दीड वाटी गूळ, तूप घालून मंद गॅसवर विरघळू द्या. गूळ विरघळू लागला की त्यात सुंठ पावडर घाला. पूर्ण विरघळला की त्यात भाजलेल्या लाह्या घालून पटापट मिक्स करा. गॅस बंद करा. हाताला तूप लावून गरम असताना लाडू वळा. मस्त कुरकुरीत चुरमुऱ्या सारखे लाडू होतात.

टीप: एक वेळी दीड वाटी पेक्षा जास्त गुळाचे करू नका...पटापट गार होतं आणि लाडू वळले जात नाहीत.
✍🏻 मिनल सरदेशपांडे