भेंडी रस भाजी

साहित्य:अर्धा की भेंडी,

दोन टेबलस्पून तेल,

पाव टीस्पून मोहोरी,

पाव टीस्पून जीरं,

हिंग पाव टीस्पून,

हळद अर्धा टीस्पून,

एक टीस्पून गोडा मसाला,

एक टीस्पून कांदा लसूण मसाला,

एक टेबलस्पून गूळ,

एक टेबलस्पून चिंचेचा कोळ,

लाल तिखट एक टीस्पून,

ओलं खोबरं दोन टेबलस्पून,

शेंगदाणे कूट दोन टेबलस्पून,

मीठ,

कोथिंबीर,

पाणी तीन वाट्या

कृती:

1)भेंडी स्वच्छ धुवा.

2)पुसून कोरडी करा.

3) देठ आणि टोक काढून पाव इंचाचे तुकडे करा

4) लिंबाएवढी चिंच भिजत घाला.

5) कढईत तेल तापत ठेवा.

6)) तेल तापलं की मोहोरी, जीरं, हिंग, हळद आणि लाल तिखट घालून फोडणी करा.

7) फोडणीत भेंडी टाकून दहा मिनिटं परता.

8) आता त्यात चिंचेचा कोळ आणि थोडं पाणी घाला.

9) पाच मिनिटं छान उकळी येऊ द्या.

10) भेंडी शिजली ना ते पहा.

11) आता त्यात मीठ, गूळ, गोडा मसाला, कांदा लसूण मसाला घाला.
12) दाण्याचं कूट आणि खोबरं घालून रस हवा असेल तसं पाणी घाला आणि उकळवा.

13) चव बघून जे हवं असेल ते वाढवा.

14) बारीक चिरून कोथिंबीर घालून पोळीबरोबर वाढा.

✍🏻मिनल सरदेशपांडे