फोडणीची मिरची:
साहित्य:
1 किलो जून मिरच्या, पाव किलो मोहोरी, 200 ग्रॅम मीठ( 1 वाटी), मेथी 1 टेबलस्पून, हिंग पावडर 2 टेबलस्पून, हळद 2 टेबलस्पून, मोहोरी फोडणीसाठी 2 टीस्पून, लिंबं मोठी 8, तेल पाव लीटर
कृती: मिरच्या धुवून पुसून कोरड्या करून घ्या. लिंबं धुवून पुसून घ्या, त्याचा रस काढून घ्या. मीठ कढईत गरम करून गार करत ठेवा. मिरच्यांचे तुकडे करून घ्या. मेथी जरा गरम करून पावडर करा. मिरच्यांमध्ये मीठ, लिंबू रस, एक टेबलस्पून हळद आणि 2 टेबलस्पून तेल घालून ठेवा. उरलेल्या तेलाची फोडणी करताना तेल तापल्यावर दोन टीस्पून मोहोरी घाला, ती तडतडली की गॅस बंद करून हिंग पावडर, हळद, मेथी पावडर घाला. फोडणी गार करत ठेवा. पाव किलो मोहोरीची पावडर करून ती मिरच्यांत मिसळा. गार फोडणी मिसळा. चार दिवस स्टीलच्या पातेलीत ठेवा, अधूनमधून ढवळत रहा. चार दिवसांनी काचेच्या बरणीत भरून ठेवा.
✍🏻 मीनल सरदेशपांडे
कोणत्याही टिप्पण्या नाहीत:
टिप्पणी पोस्ट करा