साहित्य:
अर्धा की फ्लॉवर, दोन टॉमेटो, अर्धे लिंबू, मीठ, दोन ओल्या मिरच्या, अर्धा चमचा साखर, दोन चमचे तेल, पाव चमचा मोहोरी, अगदी थोडा हिंग, पाव चमचा हळद, कोथिंबीर.
कृती:
फ्लॉवरचे तुरे काढून ते मीठ घातलेल्या कोमट पाण्यात दहा मिनिटं ठेवावेत. टॉमेटो बारीक चिरावा. मूठभर कोथिंबीर धुवून बारीक चिरावी. फ्लॉवर पाण्यातून काढून फूड प्रोसेसरला बारीक करावा किंवा किसणीवर किसावा. त्यात टोमॅटो, कोथिंबीर, मीठ, साखर मिक्स करावे. कढईत तेल गरम करावे. त्यात मोहोरी, मिरच्या, हिंग, हळद घालून फोडणी करावी. ही फोडणी फ्लॉवरच्या मिश्रणात घालावी. लिंबू पिळावे. कोशिंबीर सारखी करावी. पोळीबरोबर मस्त लागते.
कोणत्याही टिप्पण्या नाहीत:
टिप्पणी पोस्ट करा