कुरडई उपमा:
साहित्य: दोन पसे भरून कुरडया, दोन कांदे, अर्धी वाटी मटार, अर्धी वाटी गाजर किसून, दोन ओल्या मिरच्या, दोन चमचे तेल, मीठ, लाल तिखट, फोडणीचे साहित्य
कृती: कुरडया बुडतील एवढे पाणी चांगले गरम करावे. एका पातेल्यात कुरडया घेऊन त्यात हे पाणी ओतून पंधरा मिनिटं ठेवावे. पंधरा मिनिटांनी चाळणीवर काढून हाताने मोडून घ्याव्या. खूप जास्त बारीक करू नयेत. कांदा चिरून घ्यावा. गाजर किसून घ्यावं. मटार वाफवून घ्यावे. कढईत तेल घेऊन मंद गॅसवर तापवावे. तापले की मोहोरी घालावी. मोहोरी तडतडली की मिरच्यांचे तुकडे घालावे. कांदा घालून परतावे. किसलेलं गाजर, मटार घालावे. परतून घ्यावे. हळद घालावी. परतून चाळणीवर काढलेल्या कुरडया घालाव्यात. मीठ घालावे. एक वाटी पाणी घालून छान वाफ काढावी. मिरच्यामुळे तिखटपणा नाही आला तर लाल तिखट घालावे. गरमागरम उपमा मस्त लागतो.
यातच पाव चमचा गरम मसाला घालून आणि कुरडया न मोडता घातल्या की झाली घरगूती मॅगी!! मुलं ही मॅगी आवडीने खातात, आणि बाहेरच्या मॅगी पेक्षा चांगली! बघा प्रयोग करून!!!
साहित्य: दोन पसे भरून कुरडया, दोन कांदे, अर्धी वाटी मटार, अर्धी वाटी गाजर किसून, दोन ओल्या मिरच्या, दोन चमचे तेल, मीठ, लाल तिखट, फोडणीचे साहित्य
कृती: कुरडया बुडतील एवढे पाणी चांगले गरम करावे. एका पातेल्यात कुरडया घेऊन त्यात हे पाणी ओतून पंधरा मिनिटं ठेवावे. पंधरा मिनिटांनी चाळणीवर काढून हाताने मोडून घ्याव्या. खूप जास्त बारीक करू नयेत. कांदा चिरून घ्यावा. गाजर किसून घ्यावं. मटार वाफवून घ्यावे. कढईत तेल घेऊन मंद गॅसवर तापवावे. तापले की मोहोरी घालावी. मोहोरी तडतडली की मिरच्यांचे तुकडे घालावे. कांदा घालून परतावे. किसलेलं गाजर, मटार घालावे. परतून घ्यावे. हळद घालावी. परतून चाळणीवर काढलेल्या कुरडया घालाव्यात. मीठ घालावे. एक वाटी पाणी घालून छान वाफ काढावी. मिरच्यामुळे तिखटपणा नाही आला तर लाल तिखट घालावे. गरमागरम उपमा मस्त लागतो.
यातच पाव चमचा गरम मसाला घालून आणि कुरडया न मोडता घातल्या की झाली घरगूती मॅगी!! मुलं ही मॅगी आवडीने खातात, आणि बाहेरच्या मॅगी पेक्षा चांगली! बघा प्रयोग करून!!!
Healthy noodles.
उत्तर द्याहटवाथँक्स!😊
उत्तर द्याहटवा