उपासाची खांडवी:

उपासाची खांडवी:

साहित्य: वरी तांदूळ एक वाटी, ओलं खोबरं अर्धी वाटी, गूळ एक वाटी, पाणी तीन वाट्या, केशर सिरप एक चमचा, वेलची पावडर पाव चमचा, तूप तीन चमचे, आलं किसून एक चमचा, मीठ
कृती: वरी तांदूळ मिक्सरमध्ये थोडे फिरवून रवा करून घ्या. कढईत दोन चमचे तूप घ्या. त्यात वरीचा रवा तांबूस भाजून घ्या. एका पातेलीत गूळ, पाणी, मीठ चवीला, ओलं खोबरं, आल्याचा कीस एकत्र करा. त्यात केशर सिरप आणि वेलची वावडर घालून गूळ विरघळेपर्यंत उकळा. उकळलेले मिश्रण भाजलेल्या रव्यात घालून ढवळा. मंद गॅसवर दहा मिनिटं वाफ येऊ द्या. थाळ्याला तूप लावून घ्या. दहा मिनिटांनी मिश्रण ढवळून परत झाकण ठेवा. रवा पूर्ण शिजला आणि मिश्रण घट्ट झाले की थाळ्यात थापून घ्या. ओलं खोबरं थापताना वर पसरून सजवा.