रव्याचे तिखटमीठाचे शंकरपाळे

साहित्यः अर्धी वाटी तेल/ तूप, दीड वाटी पाणी, मीठ, तिखट, ओवा, हळद, बारीक रवा, तळण्यासाठी तेल.

कॄती: प्रथम अर्धी वाटी तेल/ तूप, दीड वाटी पाणी, मीठ, तिखट (चवीनुसार), थोडीशी हळद हे सर्व एकत्र करून उकळावे. आणि गार करण्यास ठेवावे.

पाणी पूर्ण गार झाल्यावर त्यात मावेल एवढा बारीक रवा मिसळावा. अर्धा तास झाकून ठेवावे.

गोळी करून त्याची पोळी लाटावी. शंकरपाळे कापावेत.

तेलात तळून घ्यावेत. मस्त कुरकुरीत होतात.
टीप: मी तीळ घातले पण ते तेलात बऱ्यापैकी पडतात
वरून मी थोडं लाल तिखट आणि चाट मसाला भुरभुरवला.
✍🏻 मीनल सरदेशपांडे