कुळीथ सूप:
साहित्य: सहा कप पाणी, चार टेबलस्पून कुळीथ पीठ, अर्धा कप भाज्यांचे तुकडे, एक टीस्पून मिरी पावडर, पाव टीस्पून लाल तिखट, लोणी किंवा बटर, एक लिंबू, मीठ, चिमुटभर साखर
कृती: गाजर, कांदा पात, कांदा, लसूण असं सगळं मिळून अर्धा कप घ्या. कढईत लोणी घालून त्यात या भाज्या घालून दोन मिनिटं परता. चार कप पाण्यात कुळीथ पिठी कालवून गुठळी मोडून घ्या. भाज्यांवर हे मिश्रण घाला. आता त्यात चवीनुसार, मीठ, मिरी पावडर, लाल तिखट, हवी तर साखर घालून उकळा. सर्व्ह करताना लिंबू पिळून सर्व्ह करा.
✍🏻 मीनल सरदेशपांडे
कोणत्याही टिप्पण्या नाहीत:
टिप्पणी पोस्ट करा