सांडगी मिरची

सांडगी मिरची:

ही पारंपरिक कोकणी डिश आहे. मसाला भरलेल्या ह्या मिरच्या खूप चविष्ट लागतात.
साहित्य: 1 की हिरव्या मिरच्या, मेथी पावडर 125 ग्रॅम, मोहोरी पावडर 250 ग्रॅम, 100 ग्रॅम मीठ, 50 ग्रॅम हळद, हिंग एक टेबलस्पून, जीरं पावडर दीड टेबलस्पून, धने पावडर दीड टेबलस्पून

कृती: यासाठी कोकणात मिळणाऱ्या  स्पेशल जातीच्या मिरच्या मी वापरल्या, ज्यात मसाला जास्त राहतो.
1) मिरच्या स्वच्छ धुवा आणि कोरड्या करा.
2) एक मोठं भांडं घ्या.
3)त्यामध्ये मोहोरी पावडर, मेथी पावडर, हळद, मीठ, जीरं पावडर, धने पावडर, हिंग सर्व नीट एकत्र करा.

4) मिरच्यांना मधोमध उभी चीर पाडा.
5)चीर पाडलेल्या मिरच्यांमध्ये मसाला घट्ट भरा.
6)या भरलेल्या मिरच्या रात्रभर तशाच ठेवा. यामुळे आतील मसाला घट्ट बसतो.

7) कडक उन्हात चार पाच दिवस वाळवा.
8) घट्ट झाकणाच्या डब्यात भरून ठेवा.
9) या मिरच्या वर्षभर चांगल्या टिकतात.
10)या मिरच्या तळून वापरतात. दह्यात कालवून छान तोंडीलावणं होतं. सांडगी मिरच्या भात, भाज्या, आमटी इत्यादी गोष्टींची लज्जत आणखी वाढवतात.

In english:
Dried stuffed green chillies:
This is a traditional konkani recipe.The chillies are stuffed with spices and then sundried
ingredients: Green chillies 1kg,fenugreek seeds powder125 grms,mustard seeds powder 250 grms, salt 100grms, turmeric powder 50grms, asafoetida 1tbsp, cumin seeds powder 11/2 tbsp, coriander seeds 1 1/2 tbsp.
Procedure:Preferably use konkani green chillies for this recipe as they are broad and have more space for stuffing. Wash and drain chillies and wipe them dry.
Now take a large mixing bowl add mustard seeds powder, fenugreek seeds powder , salt, turmeric powder ,asafoetida, cumin seeds powder , coriander seeds powder.Mix well and keep aside.Now slit the chillies at the centre(lengthwise). stuff the masala in the chillies tightly.keep the stuffed chillies overnight,it helps for binding the mixture. Keep it in the sun for 4 to 5 days.Store  it in a airtight container, it stays well for a year..
It can be best enjoyed by deep frying and can be used as a side dish...it will enhance the taste of the curry sabzi and even curd rice.

द्राक्षाचं सरबत

द्राक्षाचं सरबत बनवण्यासाठी साहित्य 

• दोन वाट्या काळी द्राक्ष
• दोन वाट्या हिरवी द्राक्ष
• अर्धी वाटी साखर
• मीठ
• पाणी
• वेलची पावडर अर्धा चमचा
• 1. दोन्ही द्राक्षं मिठाच्या पाण्यात दहा मिनिटं ठेवा.
  2. स्वच्छ धुवा.
  3. ज्युसर जारमध्ये थोडं पाणी घालून द्राक्ष फिरवा.
  4. गाळणीने गळून घ्या.
  5. द्राक्ष रसाच्या तिप्पट पाणी घाला.
  6. मीठ, साखर वेलची पावडर मिसळा.
  7. चव बघून मीठ साखर पाणी घाला
  8. थंडगार करून सर्व्ह करा.
  9. दोन्ही द्राक्ष एकत्र केल्याने अप्रतिम कलर येतो.
   

 

खुबानी (जर्दाळू) कस्टर्ड

खुबानी (जर्दाळू) कस्टर्ड बनवण्यासाठी साहित्य 

• खुबानी का मिठा साठी: जर्दाळू पाव की
• साखर 150 ग्रॅम
• दालचिनी पावडर चिमुटभर
• पाणी चार वाट्या
• कस्टर्ड साठी: दूध एक ली
• साखर 200 ग्रॅम
• कस्टर्ड पावडर( व्हॅनिला) तीन टेबल स्पून
• क्रीम 200 मिली
• सजावटीसाठी: जर्दाळू तल्या बिया

     रात्री चार वाट्या पाणी घेऊन त्यात जर्दाळू भिजत घालावेत.

 

 

1. सकाळी जर्दाळू चाळणीवर काढा, त्यातले पाणी पण वापरायचे आहे म्हणून चाळण पातेल्यावर ठेवा.
2. जर्दाळू तील बिया काढून स्वच्छ करून वाळत ठेवा.
3. कढईत जर्दाळू भिजवलेले पाणी घ्या.
4. त्यात साखर घालून एक तारी पाक करा.
5. त्यात भिजवलेले जर्दाळू घालून पाच मिनिटं उकळवा.
6. दालचिनी पावडर घालून गॅस बंद करा.
7. खुबानी का मिठा तयार आहे, ते गार होऊ द्या.
   तयार खुबानी का मिठा
   

   
   
   1. कस्टर्ड साठी: एक ली फूल क्रीम दूध घ्या.
   2. त्यातील एक वाटी बाजूला ठेवून बाकी तापवा.
   3. बाजूला ठेवलेल्या दुधात कस्टर्ड पावडर मिसळा, गुठळी मोडा.
   4. तापत ठेवलेल्या दुधात साखर मिसळा.
   5. उकळी आली की कस्टर्ड मिश्रित दूध हळूहळू ओता आणि ढवळत रहा.
   6. दूध घट्ट होईपर्यंत सतत ढवळा.
   7. गार होऊ द्या.
   8. जर्दाळू च्या वाळत ठेवलेल्या बिया फोडा आतील बदाम काढा.
   9. त्याचे काप करा
   10. हे काप आपण सजावटीला वापरू.
   11. क्रीम बिटरने घुसळून घ्या.
   12. कस्टर्ड गार झाले की क्रीम मिसळा.
   13. आता कस्टर्ड चार पाच तास फ्रीजर मध्ये सेट करा.
   14. खुबानी का मिठा फ्रीजमध्ये गार करा.
   15. सर्व्ह करताना कस्टर्ड त्यावर खुबानी का मिठा त्यावर बदाम काप पसरून सर्व्ह करा.
   16. परफेक्ट पार्टी डेझर्ट तयार आहे!
   17. बघा करून... अप्रतिम चव लागते!

   
   

 

करवंद लोणचे

Karvand / Karonda(Carissa) pickle: Karvand is a small black fruit. Karvand is mainly found in western ghats area specially in konkan.  Fruits grow in summer ( march to may). Pickle is made out of these raw fruits.

Ingredients: 1 bowl raw karvand, 3 tablespoons mustard seeds, 4 teaspoons red chili powder, salt, turmeric powder 1 teaspoon, asafoetida 1teaspoon, oil 4 tablespoons, 1 teaspoon fenugreek seeds.
How to make: Rinse karvand two times in water. Dry with cotton towel. Make a small cut in the karvand. Add two tablespoon  salt in warm water.  Soak the karvand in salted water for two hours  in order to remove white shriek which comes after cutting. After two hours drain water and dry it with cotton towel. Heat oil in small pan. Fry fenugreek seeds. Allow it to cool. Make powder of fenugreek seeds and mustard seeds. 
Add salt, red chili powder, mustard seeds powder and fenugreek seeds powder in karvand.  Mix well.
Heat 4 tablespoon oil in small pan. Add 1teaspoon mustard seeds. Once they start crackling switch off the gas flame. Add asafoetida, turmeric powder and small pinch red chili powder. Allow to cool. Add this cool tempering to pickle. Keep in dry glass bowl for two days for better result. Enjoy summer!!😊
karvand flower:

करवंद लोणचं: करवंद हे छोटं काळ्या रंगाचे फळ आहे. करवंद हे मुख्यतः पश्चिम घाट आणि कोकण भागात होतात. हे उन्हाळ्यात होणार फळ असून साधारणपणे मार्च ते मे असा त्याचा हंगाम असतो. कच्ची करवंद लोणच्याला वापरतात.

साहित्य: एक वाटी कच्ची करवंद, 3 टेबलस्पून मोहोरी, 4 टेबलस्पून लाल तिखट, मीठ, एक चमचा हळद, एक चमचा हिंग, तेल 4 टेबलस्पून, 1 चमचा मेथी
कृती: करवंद दोन वेळा स्वच्छ धुवा. कोरडी करा. करवंदाला छोटा कट द्या. कोमट पाण्यात दोन टेबलस्पून मीठ घाला. दोन तास या पाण्यात करवंद चीक जाण्यासाठी बुडवून ठेवा. दोन तासांनी पाणी काढून टाकून करवंद कोरडी करा.
मेथी दाणे तळून घ्या. गार करून त्याची पावडर करा. मोहोरीची पावडर करा. करवंदामध्ये मीठ, तिखट, मोहोरी पावडर, मेथी पावडर एकत्र करा. छोट्या कढईत तेल गरम करा. त्यात मोहोरी घाला. मोहोरी तडतडली की गॅस बंद करून हिंग, हळद आणि अगदी थोडं लाल तिखट घाला. गार होऊ द्या. गार फोडणी लोणच्यात मिसळा. दोन दिवस काचेच्या बाऊलमध्ये ठेवा, मुरू द्या. उन्हाळ्याचा आनंद घ्या.😊

आंबा डाळ:

आंबा डाळ:

चैत्र महिन्यात हमखास केला जाणारा प्रकार
साहित्य: एक वाटी चणाडाळ, अर्धी वाटी कैरी कीस, सहा ओल्या मिरच्यांची पेस्ट, पाव वाटी सनफ्लॉवर तेल, अर्धा चमचा मोहोरी, एक चमचा हिंग, एक चमचा हळद, लाल तिखट लागल्यास, साखर एक चमचा

कृती: 1) चणा डाळ चार पाच तास भिजवावी
2) चाळणीवर काढावी.
3) फूड प्रोसेसर च्या भाजी चिरायच्या पात्यावर बारीक करावी. परफेक्ट होते.
4) मिरच्यांची पेस्ट करावी.
5) लहान कढईत तेल तापवावे. मोहोरी, हिंग, हळद आणि चिमुटभर लाल तिखट घालून फोडणी करावी. दहा मिनिटं गार होऊ द्यावी.
6) कैरी धुवून साल काढून किसावी.
7)वाटलेली डाळ, कैरी कीस, मिरची पेस्ट, साखर, मीठ, बारीक चिरलेली कोथिंबीर सर्व एकत्र करावे.
8) फोडणी मिक्स करावी
9) चव बघून मीठ, लाल तिखट घालावे.
10) पोळीबरोबर सर्व्ह करावी.

Aamba Dal:
Ingredients: one bowl Chana dal, half bowl grated raw mango, 1/4 bowl sunflower oil, 1tsp. green chili paste, salt, sugar 1tsp, mustard seeds half tsp, asfoetida 1 tsp, turmeric powder 1 tsp, red chili powder if required, coriander leaves finely chopped 2 table spoon

How to make:
1) Soak dal 4/5 hours.
2) Drain all water.
3) Grind on food processor (vegetable cutter),
4) Make paste of green chillies
5) Heat oil in small pan. Add mustard seeds, asfoetida, turmeric powder, and a pinch of red chili powder. Keep aside for ten minutes.
6) Wash raw mango, peel and grate it.
7) Mix dal, grated mango, chili paste, finely chopped coriander , sugar and salt to taste.
8) Add tadka.
9) Add salt, red chili powder if required.
10) Serve with roti.

कैरी मिरची ठेचा:

आता आंबे सुरू झाले म्हणजे जे करायचं ते आंब्याचं!
 आज केलाय झणझणीत कैरी मिरची ठेचा:

साहित्य: 250 ग्रॅम ओल्या मिरच्या, 50 ग्रॅम मोहोरी, दोन वाट्या कैरीचा कीस, एक चमचा मेथी, तेल पाव वाटी, एक चमचा हळद, अर्धा चमचा हिंग पावडर, अर्धा चमचा मोहोरी( फोडणीसाठी), मीठ

कृती: मिरच्यांची देठं काढून स्वच्छ धुवा, कोरड्या करा. मिरच्यांचे तुकडे करा. कैरी धुवा, साल काढून किसून घ्या. तेलात मेथी तळून घ्या. उरलेल्या तेलाची मोहोरी, हिंग हळद घालून फोडणी करा. फोडणी गार करत ठेवा.
मेथीची पावडर करून घ्या. 50 ग्रॅम मोहोरीची पावडर करून घ्या. मिरच्या मिक्सरला फिरवून घ्या. त्यात कैरीचा कीस, मोहोरी पावडर, मेथी पावडर, मीठ एकत्र करा. गार झालेली फोडणी मिक्स करा. मस्त झणझणीत ठेचा तयार आहे! पण जरा जपून...

वाटल्या डाळीचे लाडू:

वाटल्या डाळीचे लाडू:

साहित्य: दोन वाट्या (३००ग्रॅम) चणाडाळ, 100 मिली तूप, 300 ग्रॅम साखर, एक टीस्पून वेलची पावडर, बदाम काप, बेदाणे, पाणी, तीन वाट्या दूध

कृती: दोन वाट्या सुकी डाळ कोमट पाण्यात दोन तास भिजवली. डाळ भिजेपर्यंत एका कढईत तीन वाट्या दूध घेऊन आटवावे साधारण पाऊण वाटी खवा झाला. दोन तासांनी डाळ चाळणीवर काढावी. मिक्सरला बारीक करून घ्यावी. कढईत तूप घ्यावे. त्यात डाळ घेऊन मंद आचेवर भाजावे. डाळ भाजत आली की खवा घालून परत थोडं भाजावे. मला एक तास लागला डाळ छान तांबूस व्हायला!

 आता भाजलेली डाळ काढून ठेवावी. कढईत दोन वाट्या साखर घ्यावी त्यात एक वाटी पाणी घालून एक तारी पेक्षा थोडा जास्त पाक करावा. पाकात डाळ, वेलची पावडर, बदाम काप, बेदाणे घालून तासभर मिश्रण मुरू द्यावे. तासाभराने लाडू वळावेत!

In English:
Ingredients: 2 bowls Chana dal, 2 bowls sugar, 100ml ghee, 1 tea spoon cardamom powder, 2 tea spoon almond slices, 3/4 bowl mawa, water
1) Soak Chana dal in warm water for two hours.
2)Drain water after 2 hours.
3) Grind Chana dal very well.
4) Heat ghee in frying pan.
5)Add ground Chana dal.
6)Fry till dal becomes golden Brown. While frying Chana dal add mawa in last five minutes and Fry.
7) Keep aside.
8) In another Fry pan add sugar 2 bowls and water 1 bowl.
9) make sugar syrup.
10) Add pieces of almond and cardamom powder.
11) Add fried Chana dal , mix well.
12) keep for one hour.
13) Make round balls (ladu) applying ghee on hand palm.
Enjoy!!

दह्यातील उकडांबा:

आज लोणच्यासाठी बरण्या धुवून ठेवायच्या म्हणून बघायला गेले तेव्हा लक्षात आलं मिठात आंबे राहिलेत दोन अजून.. म्हटलं चला करून टाकू तोंडीलावणं!

साहित्य: मिठातले उकडांबे दोन, एक वाटी दही, दोन चमचे साखर, दोन ओल्या मिरच्या, चिमुटभर हिंग, पाव चमचा जीरं, तीन चमचे तूप, कोथिंबीर बारीक चिरलेली, मेतकूट दोन चमचे( ऐच्छिक)

कृती: मिठातला उकडांबा
उकडांबा करण्यासाठी वेगळे खास रायवळ आंबे असतात.... नाहीतर कोणतेही छोटे रायवळ तयार आंबे दहा बारा घ्या. पण हे आंबे झाडावरून उतरून काढलेले हवेत, पडलेले टिकत नाहीत. आंबे स्वच्छ धुवा. देठाकडचा चीक जाऊ द्या. पातेल्यात पाणी उकळून त्यात घालून दहा मिनिटं उकळावेत. पाण्यातून चाळणीवर काढून गार होऊ द्यावेत. आंबे पूर्ण गार व्हायला हवेत. आता देठाकडून साल थोडी सोडवून ठेवा. एका काचेच्या किंवा चिनी मातीच्या बरणीत आंबे बुडतील इतपत पाणी घ्या. पाणी खारट लागेल इतपत मीठ घाला. आता पूर्ण गार झालेले आंबे पाण्यात बुडवून झाकण लावा. हे आंबे वर्षभर टिकतात. त्यावर पांढरा साक धरतो सायीसारखा तो अधून मधून काढून टाकायचा. माझी आजी मोठी चिनीमातीची बरणी भरून करायची हे आंबे आणि त्याच्या तोंडाला स्वच्छ पांढरं कापड घट्ट बांधायची.. दादरा बांधणं म्हणतात त्याला! आणि मग कोणी आलं गेलं हे आंबे द्यायची! विशेषत: श्रावण महिन्यात तोंडीलावणं म्हणून हे आंबे काढले जायचे!

कृती: दह्यातील उकडांबा:
हा मिठातला आंबा काढून घेऊन त्याच साल सोलावं.. आतील गर काढून घ्यावा. नीट कुस्करून घ्यावा. त्यात दही साखर मेतकूट आणि कोथिंबीर घालावी. तूपाची जीरं, मिरच्या, हिंग घालून फोडणी करावी. ही फोडणी या उकडांब्याला द्यावी. छान मिक्स करावे. मीठ घालावे लागत नाही.

काजूच्या बोंडांचं भरीत:

उन्हाळ्यात येणारं फळ म्हणजे काजू... काजूगर सगळेच खातात पण काजूबी च्या वर असणारं फळ मात्र आम्ही कोकणी मंडळी आवडीने खातो... नुसतं किंवा तोंडीलावणं करून! होतं काय की काजूबिया निघाल्या की त्यातल्या जून बिया सोलून वाळवून मुंबईत नातेवाईकांना पाठवायच्या आणि कोवळे गर आम्हाला आमटीत मिळायचे! सुकलेल्या बिया गोळा करण्यात दोन दोन तास जायचे... मग ही फळं खायचो आम्ही! त्यात काही फळं घशात खवखवतात तर काही मस्त असतात. उन्हात तहान पण भागायची आणि बिया गोळा व्हायच्या. एकाने झाडावर चढून झाड हलवलं की खाली सडा पडायचा! बिया गोळा करायला गेलो की आम्ही त्या झाडाला खाच मारून यायचो, म्हणजे चार दिवसांत गोंद तयार व्हायची जी पुढच्या वर्षी पुस्तकांची कव्हर चिकटवायला उपयोगी यायची! अशा या काजूच्या फळांची  रेसीपी!

काजूच्या बोंडांचं भरीत:
साहित्य:
 पाच सहा पिकलेली काजूची बोंडं/ जाम, दीड वाटी दही, दोन मिरच्या, दोन चमचे तूप, पाव चमचा जीरं, एक चमचा मेतकूट, दोन चमचे साखर, मीठ, कोथिंबीर, चिमुटभर हिंग

कृती:
 पिवळी बोंडं घेऊन स्वच्छ धुवावी. फोडी करून त्यात थोडे पाणी घालून शिजवावी. शिजलेल्या फोडी चाळणीवर काढाव्यात. तूपाची जीरं, मिरच्यांचे तुकडे, हिंग घालून फोडणी करावी. फोडी एका बाऊलमध्ये घेऊन त्यात मीठ, साखर, मेतकूट, फोडणी, बारीक चिरलेली कोथिंबीर घालून भरीत सारखं करावं.पाणी काढून टाकल्याने घशात खवखव होत नाही.

गुढीपाडवा स्पेशल साखरेची माळ

गुढीपाडवा स्पेशल साखरेची माळ

साहित्य: एक वाटी साखर, अर्धी पेक्षा थोडं कमी पाणी, दोन थेंब खाण्याचा रंग, चिमुटभर सोडा किंवा बेकिंग पावडर
कृती: ताटाला तुपाचा हात लावा. त्यावर दोरा ठेवा. त्यावर अंतरावर नान कटाई चे मोल्ड ठेवा.
पातेल्यात साखर, पाणी आणि कलर एकत्र करा. उकळा, पक्का पाक करा. तयार झाल्यावर सोडा किंवा बेकिंग पावडर मिक्स करा. बाजूला साखर दिसू लागली की लगेच पाक मोल्डमध्ये ओता, किंवा नुसता दोऱ्यावर गोल गोल घाला. दहा मिनिटं गार होऊ द्या. कदाचित सोडा किंवा बेकिंग पावडरने खुसखुशीत होत असावी. मलाही त्याचं कारण कळलं नाही, पण whatsapp आणि fb वर बरीच पोस्ट फिरतेय म्हणून करून पाहिलं..छान झाली, मोल्ड वापरायचे हा माझा प्रयोग!

आंब्याचे रायते: शिजवून

आंब्याचे रायते:
 साहित्य: दोन मोठया कैऱ्या, दोन वाट्या गूळ, लाल तिखट दोन चमचे, मीठ, तेल तीन चमचे, मोहोरी अर्धा चमचा, मेथी पाव चमचा, हळद पाव चमचा

कृती: कैऱ्या स्वच्छ धुवाव्यात. देठ काढून चीक जाऊ द्यावा. पातेल्यात कैऱ्या बुडतील इतपत पाणी घेऊन दहा मिनिटं झाकण ठेवून कैऱ्या वाफवाव्यात. पाण्यातून काढून गार होऊ द्याव्यात. सोलून गर काढावा. जेवढा गर असेल तेवढा गूळ गरात मिक्स करावा. मीठ, तिखट मिक्स करून तासभर ठेवावे. एक कढईत तेल तापत ठेवावे. त्यात मोहोरी, मेथी, हिंग हळद घालून फोडणी करावी. कैरीचा गर फोडणीत घालावा. परतून थोडावेळ आटवावे. सॉस इतपत झाला की गॅस बंद करावा. गार झाल्यावर आणखी घट्ट होतो. काचेच्या बाटलीत भरून ठेवावे. पंधरा दिवस सहज टिकते.
टीप: कैऱ्या आंबट असतील तर गूळ जास्त लागू शकतो, टेस्ट अप्रतिम!!

एगलेस पौष्टिक केक

 

साहित्य

• कणिक 100 ग्रॅम
• नाचणी पीठ 100 ग्रॅम
• 10 खजूर
• अर्धी वाटी सीडलेस काळ्या मनुका
• 300 मिली दूध
• एक चमचा खायचा सोडा
• दीड चमचा बेकिंग पावडर
• पिठीसाखर 150 ग्रॅम
• रिफाईंड सनफ्लॉवर ऑइल 100 मिली
• दीड चमचा लिंबू रस
• एक टेबलस्पून कोको पावडर
• एक टीस्पून कॉफी पावडर
• एक टीस्पून व्हॅनिला इसेन्स
• केक बेकिंग साठी: मीठ दीड वाटी
• कुकर किंवा मोठं पातेलं
• झाकण
• केक पॉट
• डेकोरेशन साठी: whipped क्रीम 100 ग्रॅम
• डार्क चॉकलेट 100 ग्रॅम
• एक टीस्पून लोणी

• एगलेस पौष्टिक केक

  1. नाचणी, कणिक, बेकिंग पावडर, सोडा, कोको पावडर एकत्र करून तीन वेळा चाळून घ्या.
  2. खजुराच्या बिया काढा.
  3. मनुका 150 मिली दुधात दहा मिनिटं भिजवा.
  4. खजूर, मनुका दुधासह फिरवून घ्या.
  5. फिरवलेल्या मनुकेच्या मिश्रणात तेल, पिठीसाखर, कॉफी पावडर, दूध, व्हॅनिला इसेन्स घालून फेटा.
  6. कुकरमध्ये किंवा पातेल्यात मीठ पसरून, झाकण लावून फुल फ्लेमवर पाच मिनिटं प्रिहिट करा. कुकरची शिट्टी आणि रिंग काढून ठेवा
  7. फेटलेल्या मिश्रणात लिंबू रस मिसळा
  8. आता चाळलेलं पीठ फेटलेल्या मिश्रणात घालून फेटा.
  9. केक पॉट ला तुपाचा हात लावा.
  10. मिश्रण पॉट मध्ये ओता.
  11. मिठावर कुकरमधली जाळी ठेवा.
  12. त्यावर केकपॉट ठेवा.
  13. पातेल्यावर, किंवा कुकरला झाकण लावून मध्यम आचेवर 30 मिनीटं बेक करा.
  14. त्यानंतर झाकण उघडून सुरूचे टोक घालून बेक झाला का पहा, नसेल तर परत 10 मिनीटं ठेवा.
  15. ओव्हन ला बेक करणार असाल तर 180 डिग्रीवर पाच मिनिटं प्रिहिट आणि 180 वर 30 मिनीटं केक पॉट ठेवून बेक करा.
  16. केक गार होऊ द्या.
  17. तयार केक
  18. केक बेक होईपर्यंत क्रीम गरम करा.
  19. डार्क चॉकलेटचे तुकडे करा.
  20. त्यात लोणी घाला
  21. गरम केलेले क्रीम चॉकलेटवर ओता.
  22. नीट ढवळा.
  23. गार झाले की तयार केकवर ओता.
  24. गनाश केक

  My Tip:

  तुम्हाला नको असेल तर वर चॉकलेट गनाश न घालता देऊ शकता, नाचणीचा आहे हे पण कळत नाही मुलांना!