गुढीपाडवा स्पेशल साखरेची माळ

गुढीपाडवा स्पेशल साखरेची माळ

साहित्य: एक वाटी साखर, अर्धी पेक्षा थोडं कमी पाणी, दोन थेंब खाण्याचा रंग, चिमुटभर सोडा किंवा बेकिंग पावडर
कृती: ताटाला तुपाचा हात लावा. त्यावर दोरा ठेवा. त्यावर अंतरावर नान कटाई चे मोल्ड ठेवा.
पातेल्यात साखर, पाणी आणि कलर एकत्र करा. उकळा, पक्का पाक करा. तयार झाल्यावर सोडा किंवा बेकिंग पावडर मिक्स करा. बाजूला साखर दिसू लागली की लगेच पाक मोल्डमध्ये ओता, किंवा नुसता दोऱ्यावर गोल गोल घाला. दहा मिनिटं गार होऊ द्या. कदाचित सोडा किंवा बेकिंग पावडरने खुसखुशीत होत असावी. मलाही त्याचं कारण कळलं नाही, पण whatsapp आणि fb वर बरीच पोस्ट फिरतेय म्हणून करून पाहिलं..छान झाली, मोल्ड वापरायचे हा माझा प्रयोग!