धिरड्याचे पौष्टिक सँडविच:

पौष्टिक सँडविच: फ्युजन रेसीपी:

साहित्य: धिरड्याचे मिश्र पीठ एक वाटी, मेथी धुवून चिरून शिजवून पाव वाटी, तिखट एक चमचा, हळद पाव चमचा, मीठ,चाट मसाला घरचे  तूप

सॅंडविच साठी: घरचा किंवा कोणत्याही कंपनीचा टोमॅटो सॉस, एक बीट वाफवून, एक कांदा स्लाईस, मुळ्याच्या स्लाईस, कोथिंबीर बारीक चिरून, मिरची बारीक तुकडे, लोणी घरचं किंवा बटर, चीज
कृती: मिश्र पिठात शिजलेली मेथी तिखट, मीठ, हळद घालून तुपावर चौकोनी आकारात धिरडी घाला.

दोन्ही बाजू भाजून घ्या. बीट वाफवून सोलून स्लाईस करा. एका धिरड्याला सॉस लावा. दुसऱ्या धिरड्याला घरचे लोणी थोडं मीठ मिसळून लावा. सॉस लावलेल्या धिरड्यावर कांदा बीट आणि मुळ्याचे स्लाइस लावा.

त्यावर कोथिंबीर, मिरचीचे तुकडे घाला. थोडा चाट मसाला भुरभुरा.

आता त्यावर चीज किसा. दुसरा पीस वर ठेवा.

तव्यावर मंद गॅसवर दोन्ही बाजू भाजा. वरून थोडे चीज किसून सॉस बरोबर सर्व्ह करा.
✍🏻 मिनल सरदेशपांडे