ग्रीन राईस

ग्रीन राईस:

हिवाळ्यातल्या भाज्यांसह अजून एक पौष्टिक रेसीपी!
साहित्य: एक वाटी तांदूळ, दोन वाट्या शिजवून पालकपेस्ट, मटार पाव वाटी, ओल्या मिरच्या दोन, कोथिंबीर अर्धी वाटी, आलं लसूणपेस्ट एक टीस्पून, गरम मसाला एक टीस्पून, दोन कांदे, सात आठ मिरी
दाणे, दोन छोटे तुकडे दालचिनी, एक टीस्पून जीरं, तूप एक टेबलस्पून, पाणी दोन वाट्या
कृती: तांदूळ धुवून निथळत ठेवा. कांदा बारीक चिरून घ्या. आलं, लसूण सोलून घ्या. मटार सोलून घ्या. मिरच्यांचे तुकडे करा. कांदा, कोथिंबीर, मिरची, आलं लसूण सर्व एकत्र पेस्ट करा.  पालक निवडून धुवून घ्या. एका पातेल्यात पाणी उकळवा. दहा मिनिटं या उकळत्या पाण्यात पालक बुडवून ठेवा. कढईत तूप तापत ठेवा. त्यात मिरी दाणे, जीरं, दालचिनी घाला. परतून घेऊन त्यात वाटलेली पेस्ट घाला. तूप सुटेपर्यंत परता. गरम मसाला घाला. आता तांदूळ आणि मटार घालून परता. आता दोन वाट्या गरम पाणी घाला. चवीनुसार मीठ घालून एक वाफ येऊ द्या. पाण्यात ठेवलेला पालक निथळून घ्या. मिक्सरमध्ये फिरवून घ्या.  दहा मिनिटांनी  भात शिजत आला की पालक पेस्ट मिक्स करा. ढवळून पूर्ण शिजू द्या. गरमागरम ग्रीन राईस टॉमॅटो सारा सोबत किंवा दह्यातल्या कोशिंबिरीसोबत सर्व्ह करा.

✍🏻 मिनल सरदेशपांडे