नवीन वर्षात येणारा पहिला सण संक्रांत... गोडवा आणणारा म्हणून हीच रेसीपी शेअर करतेय जीवनातल्या गोडव्याला सुरुवात करताना!
साहित्य: गूळ दोन वाट्या, तीळ अर्धी वाटी, खसखस पाव वाटी, सुकं खोबरं पाव वाटी, दाण्याचं कूट पाव वाटी, बेसन अर्धी वाटी, तीन चमचे तेल
लाटण्यासाठी तांदूळ पिठी
कृती: तीळ, खसखस, खोबरं किसून सगळं वेगवेगळे भाजून घ्या. मिक्सरला फिरवून घ्या. भाजलेल्या दाण्याचं कूट मिसळा. बेसन तीन चमचे तेल घालून खमंग भाजा. गूळ बारीक किसून घ्या. बेसन आणि भाजलेले सर्व साहित्य गुळात मिसळा.
कणिक आणि मैदा, बेसन थोडं मीठ एकत्र करा. एक टेबलस्पून तेल तापवून त्यावर घाला. घट्ट पीठ मळा. अर्धा तास ठेवा.
टीप: पोळ्या चिकटू नयेत म्हणून एक टीप... पोळी टाकताना गूळ दिसत असेल अशी बाजू वर आणि एकसंध पिठाची बाजू खाली ठेवायची तव्यावर, उलटण्या आधी जिथे फुटलीय नक्की चिकटणार असं वाटतंय तिथे तेल सोडून मग परतायची किंवा परतल्यावर बाजूने तेल सोडायचं थोडं यामुळे तव्याला चिकटत नाही☺️ पुढच्या वेळी करून बघा.
एक नॅपकिन ठेवा जवळ पोळी झाली की लगेच तवा पुसून घ्या, किंचित गूळ बाहेर आला असेल तर पटकन निघतो आणि पुढची पोळी चिकटत नाही.
कोणत्याही टिप्पण्‍या नाहीत:
टिप्पणी पोस्ट करा