चिंचगुळाची चटणी: ही चटणी बाहेरून आणलेल्या सामोसा कचोरी सोबत मिळते.
साहित्य:
१) एक कप (250ml) गूळ,
२) पाव कप साखर
३)२ टेबलस्पून चिंचेचा घट्ट कोळ
४)अर्धा टीस्पून शेंदेलोण
५)अर्धा टीस्पून पादेलोण
६) दोन टीस्पून काश्मिरी लाल तिखट
७) अर्धा टीस्पून नेहमीचं लाल तिखट
८) अर्धा टीस्पून धने
९) अर्धा टीस्पून बडीशेप
१०) पाव टीस्पून जीरं
११) अर्धा कप पाणी
कृती:
१) गूळ, साखर आणि पाणी एकत्र करून उकळत ठेवा.
२) धने, जीरं, बडीशेप गरम करून घ्या, गार करून भरड वाटा.
३) गूळ साखर विरघळली आणि एक तारी पाक झाला की गॅस बंद करून त्यात दोन्ही प्रकारचं मीठ, तिखट, चिंच कोळ आणि मसाला घालून ढवळा.
परत एक कढ काढा.
४) गार करत ठेवा, गार झाल्यावर बरणीत भरून ठेवा.
५) गार झाल्यावर ही चटणी घट्ट होईल.
कोणत्याही टिप्पण्या नाहीत:
टिप्पणी पोस्ट करा