खजूर रोल

साहित्य:
अर्धा की खजूर, अर्धी वाटी काजूगर, अर्धी वाटी बदाम, एक चमचा तूप

कृती:
 खजुरातील बिया काढून तुकडे करावे. थोडा थोडा घेऊन मिक्सरला भरड वाटावा. काजूगर, बदाम थोडे तुकडे राहतील असे मिक्सरला फिरवावे. कढईत तूप घ्यावे. त्यात भरडसर केलेला खजूर मंद गॅसवर परतावा. पाच मिनिटांनी काजुगराची आणि बदामाची पावडर मिसळावी. दोन मिनिटं परतावे. खाली उतरून तुपाच्या हाताने रोल करावे. गार झाले की कापावे. याचे लाडू किंवा मोदक पण करू शकता. खजूराची गोडी पुरते, साखर लागत नाही.