दुधीच्या सालींची चटणी:
साहित्य: दुधीच्या साली एक कप, अर्धा कप ओलं खोबरं, दोन टेबलस्पून भाजलेले तीळ, अर्धं लिंबू, एक टीस्पून साखर, एक टीस्पून मीठ, ओल्या मिरच्या पाच, जिरं पावडर किंवा जिरं अर्धा टीस्पून, लसूण चार पाकळ्या(ऐच्छिक), तेल एक टीस्पून
कृती: भाजीसाठी आणलेला दुधी सोलून साली एकत्र करा. तेलावर मिरच्यांचे तुकडे आणि सालींचे तुकडे परतत ठेवा, दहा मिनिटं परतून गॅस बंद करा.
दुधीच्या सालीत ओलं खोबरं, मीठ, साखर , भाजलेले तीळ, जिरं पावडर एकत्र करा, लिंबू पिळा. आता थोडे थोडे मिक्सरला लागेल तेवढेच पाणी घालून वाटा. चवीनुसार लागेल ते वाढवा.
मस्त पौष्टिक आणि चविष्ट चटणी तयार आहे!
टीप: लसूण घालणार असाल तर चटणी वाटताना घाला.
✍🏻 मीनल सरदेशपांडे
