पोहे बटाटा कटलेट:
साहित्य: दोन कप जाड पोहे, दोन मध्यम बटाटे, 1 कप कोबी चिरून, 1 टीस्पून लसूण मिरची पेस्ट, अर्धा टीस्पून धने पावडर, अर्धा टीस्पून जीरं पावडर, मीठ, 1 टीस्पून लाल तिखट, अर्धा टीस्पून हळद, पाणी, लागलं तर पोहे पीठ, तेल
कृती: पोहे धुवून चाळणीवर निथळत ठेवा. बटाटे शिजवून घ्या. कोबी बारीक चिरून किंवा किसून घ्या. त्यात बटाटे सोलून किसा. धुतलेले पोहे घाला. धने जीरं पावडर, लसूण मिरची पेस्ट, हळद, तिखट घालून मळा. लागलं तर पाणी वापरा. मला लागलं नाही.सैल वाटलं तर थोडे पोहे मिक्सरला फिरवून त्याचं पीठ घालून मळा. चव बघून काही हवं तर वाढवा.
छान मळून कटलेट चपटे गोल किंवा आवडीचे आकार करा.
कढईत तेल तापत ठेवा. बाहेरून कुरकुरीत आतून मऊ अशी छान कटलेट दही चटणी किंवा सॉस बरोबर सर्व्ह करा.
टीप: यात तुम्ही मेथी, कोथिंबीर, पालक घालू शकता. सध्या लॉक डाऊन मुळे घरात उपलब्ध साहित्यात केले.
दह्यात मीठ, साखर आणि लाल तिखट घालून मी चटणी करते.
कोणत्याही टिप्पण्या नाहीत:
टिप्पणी पोस्ट करा