खपली गव्हाची खीर:

खपली गव्हाची खीर:

खपली गहू एक वाटी, गूळ एक वाटी, ओलं खोबरं एक वाटी, काजूगर, बदाम काप, जायफळ पावडर पाव टीस्पून, वेलची पावडर पाव टीस्पून, तूप दोन टीस्पून, नारळाचं दूध दोन वाट्या

कृती: 
गव्हाला टरफल असेल तर पाण्याचा हात लावून फडक्यावर चोळून पाखडून घ्या. तासभर गहू भिजत घाला. तासाभराने बाहेर काढून कापडावर पसरून ठेवा, ओलसरपणा जाऊ द्या. भिजलेले गहू मिक्सरला भरडसर वाटून घ्या.

तिप्पट पाणी घालून कुकरमध्ये घालून गहू शिजवून घ्या. कढईत तूप घालून मंद गॅसवर ठेवा. त्यात काजूचे तुकडे, बदाम काप परतून बाजूला ठेवा. शिजलेले गहू तुपात घालून परता. त्यात गूळ, खोबरं घालून शिजू द्या. अगदी थोडं पाणी घाला. जायफळ पावडर, वेलची पावडर घाला. परतलेले काप घालून सजवा. नारळाचं दूध काढून ठेवा. जेवताना आवडीप्रमाणे नारळाचं दूध घालून फस्त करा... मस्त खमंग लागते