साहित्य: बाजरीचे पीठ एक वाटी, पाणी अर्धी वाटी, मीठ
कृती: बाजरीच्या पिठात मीठ घालून घ्या. पाणी उकळून या पिठात घाला. चमच्याने मिक्स करा. गार होऊ द्या. लागेल तसं पाणी घेऊन पीठ छान मऊसूत मळून घ्या. छोटा गोळा घेऊन तांदूळ पिठीवर हाताने अलगद गोल थापत जा.
तवा तापवून त्यावर थापलेली वरची बाजू तव्यावर खाली जाईल अशी भाकरी टाका. भाकरी जरा गरम झाली की त्याला पाणी लावा. भाकरी उलटून दुसरी बाजू भाजून घ्या. आता पहिली बाजू तवा उचलून डायरेक्ट गॅसवर फिरवत फिरवत शेकवा यामुळे भाकरी छान फुगते. तयार भाकरी पिठलं, लोणी, लसूण चटणी सोबत सर्व्ह करा.
कोणत्याही टिप्पण्या नाहीत:
टिप्पणी पोस्ट करा