हरभऱ्याची उसळ:
साहित्य: एक कप हरभरे, पाच कांदे, दहा बारा लसूण पाकळ्या, 1 टीस्पून बडीशेप, 1 टीस्पून धने, एक सुक्या खोबऱ्याची वाटी, दहा बारा मिरी दाणे, चार लवंगा, एक तुकडा दालचिनी, मीठ, लाल तिखट एक टीस्पून, तेल एक टेबलस्पून, पाणी
कृती: हरभरे आदल्या रात्री भिजत घालावेत. सकाळी निवडून धुवून कुकर मध्ये शिजवून घ्यावेत. खोबऱ्याची वाटी आणि दोन कांदे गॅसवर भाजून घ्यावेत. बाकी मसाला गरम करून घ्यावा. भाजलेले कांदे सोलून, खोबरं, मसाला सगळं वाटून घ्यावे.कढईत हे शिजलेले हरभरे काढावेत. त्यात उरलेले तीन कांदे चिरून घालावेत. लागेल तसं पाणी घालून उकळत ठेवावे. मसाल्याचा गोळा घालावा. कच्चं तेल घालावं. मीठ, तिखट घालून मंद गॅसवर दहा मिनिटं उकळू द्यावं. गरमागरम उसळ भाकरी किंवा पोळी सोबत सर्व्ह करावी.
कोणत्याही टिप्पण्या नाहीत:
टिप्पणी पोस्ट करा