मसूर पुलाव

 मसूर पुलाव:

साहित्य: मसूर अर्धा कप, तांदूळ एक कप, दोन कांदे, दोन टॉमेटो, चार मिरी, चार लवंगा, दालचिनी तुकडा, आलं पेस्ट 1 टीस्पून, बडीशेप अर्धा टीस्पून, जीरं अर्धा टीस्पून मसाल्यात आणि अर्धा टीस्पून फोडणीत, धने एक टीस्पून, मीठ, चीज क्यूब्स तीन, तूप दोन टेबलस्पून, पाणी

कृती: मसूर चार पाच तास आधी भिजत घाला. तांदूळ धुवून ठेवा.   मसूर निवडून असे शिजवून घ्या की शिजले पाहिजेत पण मोडायला नको. कढईत सगळे मसाले कोरडे भाजून घ्या. बाजूला ठेवा. आता त्यात तूप घालून  तांदूळ परतून घ्या. एका पातेल्यात काढा. तांदळाच्या दुप्पट पाणी आणि मीठ घालून मोकळा भात शिजवून घ्या. कांदा, टॉमेटो चिरून घ्या.  कढईत तूप घाला, तापल्यावर जीरं घाला. ते तडतडल्यावर कांदा, टॉमेटो घालून मऊ होईपर्यंत परता.  भाजलेला मसाला पावडर करून घ्या. तो मसाला, शिजलेले मसूर, आलं पेस्ट कांदा टॉमेटो वर घाला, आता या मसाल्यात लागेल एवढंच मीठ त्यात घाला. तयार मोकळा भात मिक्स करा. नीट मिक्स झालं की बाजूने तूप सोडून पाच मिनिटं मंद गॅसवर वाफ येऊ द्या.

झाकण काढून वरून चीज किसून सजवा. 

गरमागरम भात सूप सोबत सर्व्ह करा.

✍🏻 मीनल सरदेशपांडे