मटार सूप:
साहित्य: मटार 1 कप, कांदे दोन, लसूण पाकळ्या सात आठ, मिरी दहा, दालचिनी तुकडा, कांदा पात दहा बारा, आमचूर पावडर 2 टीस्पून, साखर 1 टीस्पून, मीठ, लोणी
कृती: मटार सोलून घ्या. कांदे सोलून लांब चिरा. लसूण सोलून घ्या. कढईत लोणी किंवा बटर घाला. त्यात कांदा ,लसूण, मटार, मिरी, दालचिनी घालून परता, मटार मऊ झाले पाहिजेत. आता हे सर्व गार करून घ्या
. मिक्सर जारमध्ये हे मिश्रण, एक कप पाणी, आमचूर पावडर घालून छान वाटून घ्या. वाटलेलं मिश्रण गाळून घ्या. दाट वाटत असेल तर अजून एक कप पाणी घाला, मीठ आणि साखर घाला. एक उकळी काढा. वरून कांदा पात बारीक चिरून घाला. किंवा कोथिंबीर पण घालू शकता. गरमागरम सूप बटर/लोणी घालून सर्व्ह करा.
टीप: कलर साठी मी थोडा अगदी मूठभर पालक कच्चा घातला बारीक करताना.
✍🏻 मीनल सरदेशपांडे
कोणत्याही टिप्पण्या नाहीत:
टिप्पणी पोस्ट करा