बाजरी नवलकोल वडे:
साहित्य: 1 कप बाजरी पीठ, पाव कप कणिक, पाव कप बेसन, ओवा एक टीस्पून, तीळ एक टीस्पून, मोहनासाठी तेल दीड टीस्पून, मीठ, चार पाच ओल्या मिरच्या, आलं एक टीस्पून, दही पाव कप, हळद पाव टीस्पून, पाणी, नवलकोल ची पाने अर्धा कप, तळणीसाठी तेल
कृती: सगळी पिठं एकत्र करा. पिठात ओवा, तीळ, मीठ मिक्स करा. नवलकोल ची कोवळी पाने धुवून बारीक चिरून घ्या. दीड टीस्पून तेल गरम करा. गरम तेलाचे मोहन पिठावर घाला. आलं मिरची वाटून पिठात घाला. हळद घाला. चिरलेली पानं घालून पीठ मळा, चव बघून तिखट मीठ वाढवा. लागेल तसं पाणी घ्या. मी खूप घट्ट नको खूप सैल नको, हाताने वडे थापता आले पाहिजेत. गोळे करून घ्या.
तुमच्या आवडीप्रमाणे केळीच्या पानावर किंवा पिशवीवर वडे थापा.
कढईत तेल गरम करून घ्या. मध्यम आचेवर दोन्ही बाजू तळून घ्या. एक कप दह्यात अर्धा टीस्पून लाल तिखट, अर्धा टीस्पून साखर आणि चवीला मीठ घालून नीट मिक्स करा, या चटणी सोबत गरमागरम वडे सर्व्ह करा.
टीप: नवलकोल ऐवजी मेथी किंवा कोथिंबीर वापरू शकता.
दही नसेल तर पीठ भिजवताना अर्धा कप ताक घेतलं तरी चालेल.
✍🏻 मीनल सरदेशपांडे
कोणत्याही टिप्पण्या नाहीत:
टिप्पणी पोस्ट करा