पुऱ्या:
कुठल्याही कार्यात नेहमी पुऱ्या केल्या जातात. गोड आणि तिखट दोन्ही पदार्थ पुरीसोबत छान जमवून घेतात. अशी ही पुरी मऊ पण फुगलेली हवी. कडकडीत व्हायला नको. यासाठी हे प्रमाण देतेय.
साहित्य: पाच कप कणिक, अर्धा कप तांदूळ पीठ, अर्धा कप बेसन, मीठ, अर्धा कप तेल, साखर चार टीस्पून, पाणी, तेल तळणीसाठी
कृती: कणिक, तांदूळ पीठ, बेसन,साखर, चवीनुसार मीठ घालावे. तेल घालून मिक्स करावे. थोडं थोडं पाणी घेत घट्ट पीठ भिजवावे. अर्धा तास झाकून ठेवावे.
आवडीप्रमाणे गोळ्या करून घ्याव्या. गोल लाटून घ्याव्या.
कढईत तेल तापत ठेवावे. तेल तापल्यावर मध्यम आचेवर सोनेरी रंगावर पुऱ्या तळाव्यात.
टीप: साखरेमुळे पुरीला छान रंग येतो.
रव्यामैद्यापेक्षा या पुऱ्या गार झाल्या तरी मऊ राहतात.
✍🏻 मीनल सरदेशपांडे
कोणत्याही टिप्पण्या नाहीत:
टिप्पणी पोस्ट करा