नमस्कार मंडळी, आज काहीतरी सोपं आणि चटपटीत... संध्याकाळी मला काहीतरी हवं असतं सटरफटर पण तळलेले पॅकबंद नको म्हणून हा पर्याय!
अलीकडे डिमार्ट, रिलायन्स झाल्यामुळे कसल्या कसल्या हेल्दी बिया मिळतात.
लहानपणी चारोळीच्या झाडाखाली पडलेली फळ तिथेच फोडून खाऊन टाकत असू. घरी लावलेल्या सूर्यफुलातल्या बिया सोलून खात असू. लाल भोपळ्या बिया सोलून खाण्यात तासंतास जायचा.
दुधीच्या कोवळ्या बिया हिरकुटात ओवून त्या भाजून त्याला तूप मीठ लावून खात असू.
त्यामुळे बाजारात शोधायला जायची गरज पडत नव्हती. असो... आता या तयार बिया आणल्या किंचित मीठ मिठाचं पाणी घालून छान कुरकुरीत भाजून घेतल्या. चणे दाणे आणले त्यात त्या मिक्स केल्या, झालं टेस्टी आणि हेल्दी!
✍️मीनल सरदेशपांडे
कोणत्याही टिप्पण्या नाहीत:
टिप्पणी पोस्ट करा