नमस्कार मंडळी,
#नाश्ता
आज एक थोडासा वेगळा नाश्ता प्रकार:
नवलकोलचे घावन:
साहित्य: २ वाट्या तांदूळ पिठी, अर्धी वाटी बारीक रवा वाटी भर नवलकोलचा पाला, लसूण चार पाकळ्या, तिखट, मीठ, एक वाटी ताक, पाणी, तेल.
कृती: नवलकोलची कोवळी पाने धुवून बारीक चिरून घ्या.
एका पातेल्यात रवा, तांदूळ पीठ, तिखट, मीठ एकत्र करा. त्यातच लसूण पाकळ्या किसून घाला. किंवा पेस्ट करून घाला. बारीक चिरलेला नवलकोल पाला मिक्स करा. ताक घाला आणि लागेल तसं पाणी घालून धिरडी पीठ असतं तितपत भिजवा.
तव्यावर तेल सोडून घावन घाला, दोन्ही बाजू भाजून घ्या.
चटणी, लोणी याबरोबर सर्व्ह करा.
टीप: ताक नको असेल तर वगळा.
✍️मीनल सरदेशपांडे
कोणत्याही टिप्पण्या नाहीत:
टिप्पणी पोस्ट करा