नमस्कार मंडळी😊
#उन्हाळा
#सरबत
हळूहळू उन्हाळ्याची चाहूल लागली की थंडपेय, सरबत याची आठवण होते.
आपली आवळा आलं लिंबू सरबताची
पहिली बॅच संपली सुद्धा! तर आता सिझनची प्रॉडक्ट्स सुरू झालीच आहेत.
आज घेऊन आलेय एक चविष्ट थंड पेय:
बीटचे सरबत:
साहित्य: एक बीट, दोन आवळे किंवा एक मोठे लिंबू, मूठभर कोथिंबीर काड्या, थोडा पुदिना, काळे मीठ आणि साधे मीठ, पाणी
कृती: बीट धुवून सोलून घ्या. तुकडे करा. पुदिना, कोथिंबीर काड्या, आवळ्याचे तुकडे, चवीनुसार काळे मीठ, साधे मीठ हे सर्व ज्यूसर जार मध्ये फिरवून गाळून घ्या.
आता गरजेनुसार पाणी घाला.
ताजे सरबत तयार आहे.
टीप: मला यात साखरेची गरज वाटली नाही. जिरं पावडर, आलं पण चांगलं लागेल.
मी सगळ्यांसाठी केलं म्हणून घातली नाही पण एखादी बारीक गावठी मिरची
लावलीत तर भारी लागते.. त्याला एक वेगळा वास असतो छान!
✍️ मीनल सरदेशपांडे
कोणत्याही टिप्पण्‍या नाहीत:
टिप्पणी पोस्ट करा